第一次試露天影院,因為將軍澳有新商場慶祝開幕,特別作全港首個戶外汽車戲院,齊齊睇「妖怪手錶大電影」!!
我:「摸過獅子頭, 好運到無朋友!」,SY:「爸爸,係真架? (我:梗係我亂作啦), 爸爸!!正經D得唔得?」
PopWalk免費派孖寶, 大排長龍的就是為了這杯淺綠色的蜜瓜味軟雪糕。
SY:「我食架啦!!」細膽的小朋友, 第一口似怕有毒的, 只用舌尖輕輕點一點雪糕, 當他發現好味道, 便即時大叫:「好食呀!」之後又細細, 密密的啜。
棉花糖一樣免費派發, 請留意文末的派發日期, 及時間。 (棉花糖棒棒會發光, 又閃燈添)
我真的不明白, 明明剛剛已經KO了一大碗火腿通粉, 為何來到Parkview (Shop No 120-121), 小朋友又可以吃下半碟意式肉丸配鮮製意大利寬條麵 ($108)呢?
SY:「E碟麵好食到令我諗返起以前細個, 上完堂… 媽媽帶我去食嗰間嘅意粉…」(細個? 你係老咩? 你講緊3年前咋!)