香港各大商場都會定期推出活動，與不同卡通人物crossover。不過如果齋影相已經滿足唔到你的話，可以考慮在今個暑假到德福廣場試玩VR遊戲，戴上最新款嘅VR裝置，瞬間置身法洲大草原，挑戰各種驚險嘅活動。
遊戲分咗三個等級，小model凱翹率先挑戰入門版「眼明手快獵BIG 5」。
▲參加者將會坐上1:1嘅開篷吉普車，360度全景觀賞「非洲五巨」
▲小朋友夠120cm即玩得！
▲凱翹戴上製VR頭套，立即置身大草原，360度全景觀賞各式瀕臨絕種的珍稀動物，影到佢哋即得分。
凱翹之後挑戰進階版嘅「步步驚心過吊橋」。
▲大會驚太細個嘅小朋友會撞親，所以呢個遊戲嘅高度要求比入門遊戲高10cm。
▲現場每一個遊戲都裝咗電視，現場人士即睇到參加者嘅感官世界。而呢個遊戲入面就有世界三大瀑布之一的維多利亞瀑布。
▲現場嘅3D靚畫由本港著名立體錯視創作畫家 Fei Wong（黃俊飛）設計。
膽大嘅爸媽同埋小朋友，可以直接參加挑戰版嘅「九霄滑翔降浮島 」。
▲呢個遊戲嘅高度要求亦係130cm或以上，參加者可以一睹被稱為「非洲屋脊」嘅乞力馬札羅山，享受玩滑翔傘嘅快感。
▲參加者必須雙手操縱滑翔傘控制方向及平衡，選擇喺湖面 3 個浮島之一降落。為免參加者玩到忘形，個個都要做足安全操施。
▲玩晒三個遊戲，原來小朋友最like第一個，可以見到唔同小動物！
今次活動由香港土生土長、本地遊戲開發嘅表表者淘滿慈（Victor）主理。佢希望透過商場活動，等大家更認識VR技術，仲話而家外國已經有地方將VR技術應用到教學，例如模擬實驗，相比親身做會更加安全。另外，小朋友可以透過VR技術，更易明白抽象概念，「我以前都修過中國文學，但其實啲詩詞對小朋友嚟講係好難明。如果應用VR技術，小朋友一戴上裝置就可以親歷其境 ，會更易明白，好快背得熟。」
▲相信唔少爸媽都玩過《叮噹大富翁》，就係出自Victor手筆。
爸媽可以利用1,000 Smart $，換領門券玩其中一個遊戲。至於點先得到 Smart $？爸媽需要上載Safari場景嘅照片到Facebook，
德福廣場「360 VR非洲歷奇大冒險」詳情
日期：7 月 29日(星期五)至 8 月28日(星期日)
時間：中午12 時至 晚上 9時
地點：德福廣場一期中央展場
查詢：2750 0877