| 日期 | 全年適用 |
今日兩父子又入葵廣飲飲食食…SY：「上幾個星期咪嚟過食手卷囉，又嚟？」 我：「有沙冰， 有馬卡龍，有雪糕喎…(SY：咁！！行快D啦！！)」
今時今日的葵廣超旺，二樓潮流廊人山人海，十足行女人街一樣…
三個星期前，二樓還有數個吉舖，今日已經全場爆滿，最旺的店舖名為「避暑X莊」， 不過， 我今日光顧的…正是圍著她的三間新店。
因為想吃個小食，我問Oh My Cow負責人：「特飲$22，小食$25，『暴龍杯』有齊兩樣$28， 咁咪抵好多？」
他答：「係呀！ 抵好多架， 不過杯特飲少D，同無咗粒發光波。」(我情願唔要粒波， 我要平D就得喇！)
以這個「暴龍杯」價錢，對那4粒一口牛，其實也沒有任何要求，雖然不是太腍，肉味較輕…但又飲又食也只是$28。不能要求太多啦！！
Q爆指數: ★★★✰✰
下頁：有彩虹步兵，正啊！