【大仁】銀河玩水攻略 天浪淘園‧名不虛傳
「天浪淘園」果然名不虛傳, 因為我家阿太與小小豬媽, 相約去澳門銀河之前, 二人都同聲大叫:「我想去玩個水上樂園好耐架啦!!」
不過, 第一次過來的我們, 實在太睇少這個全球最大規模的衝浪池, 及575米空中激流. 最初我想:「2個半鐘乜都夠玩啦」, 誰知…應該一日都未必夠.
一步出2樓露天位置, 一腳踩入人工沙灘, 嘩!真的有點似去了澳洲黃金海岸, 而不是身處澳門喎.
SY:「媽媽!! 快D出去玩啦…D浪嚟啦!」(很有趣的是, 整個衝浪池的底部, 也舖了膠墊, 果然夠晒安全喎)
小朋友們亦十分有板有眼…豬仔:「我最多只會行到0.9米架咋, 因為我得1.2米」, SY:「好吖!無問題, 我陪你」
衝浪池的浪沒有想像中的波濤洶湧, 可能預計有不少小朋友吧! 所以非常溫柔的波浪…
我們大約玩了45分鐘的浪, 小豬爸便提議走過旁玩激流…
其實…建議預計玩水玩全日的話, 在衝浪池游一個鐘亦可以. 但如果跟我一樣, 只玩半日天浪淘園, 衝浪池花15分鐘影影相, 便應該衝去玩激流啦!!
