【連鎖大品牌之外】5間值得爸媽造訪的本地 童書店
2016-09-20
要為小朋友找童書，爸媽們通常有三個選擇，去台灣、幫襯網購，或者到大型書店。但其實港九新界都有不少 童書店 及繪本館，佢哋未必夠大型，但勝在夠精辟，圖書多為店主精心挑選，解決爸媽不少煩惱。以下就有5間 童書店 ，其中三間都係近月先開，值得爸媽們認識一下！（最尾一頁更附有爸媽不得不認識的過江龍書店，睇吓你又去過未？）
【1up@Restore】貴精不貴多 另類繪本照顧不同需要
從油麻地地鐵站A1出口走到咸美頓街只需要一兩分鐘，不過爸媽就唔會搵到大大個招牌寫住1up，皆因書店隱身於企社Restore的閣樓。Restore本身隸屬機構「生命工場」，支持個體小店文化保育。近月就闢出閣樓變身書店，主打兒童繪本，並以不同主題劃分，圍繞小朋友的生活。雖說圍繞生活，但小朋友各有不同生活，所以書店連一些另類的題目都有觸及，例如母乳媽媽、父母離異、生離死別等。負責人吳天慧（Fifi）指，「我們希望照顧到不同家庭的需要，幫助爸媽用簡單方法，將難以啟齒的事告訴孩子。」
書店內不時出現一些手寫紙條，皆由Fifi親手所寫。原來店內超過一半的繪本，都由她的「試讀專員」（其兩歲兒子）讀過，Fifi遂把心得記下，讓爸媽分享繪本重點。Fifi認為，「看書唔等於做功課、認字，其實係可以幫助小朋友認識自己情緒，亦讓家長小朋友分享彼此的角度。」
1up今年七月才正式開張，地方細細只有200呎左右，繪本雖然說不上最齊全，但就絕對是精挑細選，應該可以幫助有「選擇困難症」的爸媽一把。
▲進入Restore就可以見到上閣樓的樓梯
▲上到去會見到左手邊有一些甚有玩味的繪本
▲其餘的繪本皆以內容主題分類
▲亦有另類主題如父母離異、傷健共融
▲現場另有少量流行讀物及旅遊書
▲負責人的便條顯出小店心思
▲1up會陸續舉辦更多聚會，與爸媽分享共讀技巧，現場設有育嬰室
|
【1up@Restore】 |
|
|
地址： |
油麻地咸美頓街20號 |
|
開放時間： |
中午12時至下午10時 (星期一及公眾假期休息) |
|
電話： |
2789 8815 |
|
Facebook： |
|