【創作力量同幻想會嚇你一跳】20個爸媽創意法寶
2016-09-26
爸媽除咗係一個嚴格嘅指導者,有時仲創意無限,整一堆多啦A夢都諗唔到嘅法寶!爸媽們不如參考吓以下20個絕世法寶,得閒同小朋友一起整!
1. 無限畫布
如果仔仔囡囡鍾意畫畫嘅話,不如參考吓,無限畫布,加埋個畫框,fit晒!
2. 獨一無二彩色波鞋
只要用幾支雙頭筆同酒精,就可以幫小朋友整對至型嘅彩色波鞋!
3. 磁鐵杯
如果小朋友唔夠高掂櫃,不如黐兩粒磁鐵喺杯仔度,就可以黐喺任何電器度,例如雪櫃,咁就唔駛驚小朋友攞杯時唔小心打爛啦。
4. 唔會瀉畫杯
用咖啡杯、雪糕杯或者乳酪杯就可以整一隻唔會瀉到成枱都係嘅「畫杯」,裝漿糊、顏料或者水都得架!
5. 唔會跣膠條
如果小朋友對鞋好跣,用膠槍或者膠條就搞掂晒。
6. BB牀書枱
冇錯,就係將BB牀變成書枱,慳錢又慳位。
7. 一定記得食藥
要整出一定記得食嘅藥,只需要喺藥樽上面mark低日子,包保記得食!
8. 彩色肥粉筆
彩色粉筆好容易整污糟手同衫,不如用止汗膏個殼自製肥粉筆。
9. 枱底吊牀
一塊毯或者牀單就搞掂!
10. 輪軚搖搖板
有車嘅爸媽可以用舊車軚整搖搖板,小朋友見到一定開心死!