【小小豬】清熱明目無花果杞子菊花茶
2016-09-27
菊花茶可以話係小小豬其中一款最鐘意飲嘅涼茶，我自己平日都只係加杞子及冰糖一齊煲，既可以清熱解毒又對眼晴明目都好有幫助。
今日買材料時藥材鋪店員就介紹我加埋蜜棗同無花果去煲，因為兩者都係含有果膠和膳食纖維，能有效吸附腸道內的有害物質，並順利排出體外，而且唔加冰糖感覺就好似自然多點點。
見都係啲簡單材料，聽落又好似唔錯，所以我就買齊材料試下啦！ 材料都只係需要四樣：菊花約十蚊、杞子約兩湯匙、蜜棗五粒及無花果八粒~
無花果想出味啲就要一開四咁切片；將所有材料浸洗約半個鐘，然後隔水備用(記得菊花要分開嚟浸洗，因為佢落嘅次序唔同呀)~
煲內放3L水，然後隨水加入所有材料(菊花除外)~
