【Daidai & Pipi】反轉迪士尼:可愛又歡樂的萬聖節來啦


Disney Halloween Time – 反轉迪士尼!可愛又歡樂的萬聖節來啦(≧∇≦)

每次到迪士尼都有奇妙的事發生~

明明昨天下雨天陰陰,今天則太陽高高掛,仲有可以同皮爸入黎樂園玩,真係好難得呀!可以在這奇妙角度拍拖特別Sweet Sweet❤️

迪士尼的每一角落都換上可愛的南瓜和萬聖節裝飾,每個迪士尼朋友都穿上別緻的萬聖節服飾,你睇Chip & Dale幾cute!

 
 
 

好開心可以同Duffy 和新朋友 Gelatoni 影相呀!我第一次見畫家貓Gelatoni咋,真是好可愛❤️

 
 

黎到差不多是巡遊時間,我地去買d野食補給下先!萬聖節有限定米奇吸血鬼look爆谷筒,得意到呢~

 
 

一人一條雪芭解暑!咩入秋仲咁熱架!食過史迪仔和勞蘇雪芭即刻爽哂!

 
 
 

萬聖節期間,飛天巡遊變左「米奇Halloween大街騷」,超期待!

見到咁可愛嘅迪士尼朋友,加上輕快歡樂的音樂,我都好想一齊跳舞呀!

 
 
 

第一架米奇南瓜車來了!在場超有氣氛~

 
 

米妮南瓜車出巡,真心覺得今年迪士尼朋友的衣服好靚,留意下每架南瓜車都唔同樣架!

 
 
 

米奇與他的好朋友都到齊哂!「米奇Halloween大街騷」好值得睇,入黎記得霸個靚位呀!

 
 
 

在樂園的每一角都不難發現米奇頭南瓜的可愛踪跡,今年好像特別靚,我又瘋狂咁影相啦(≧∇≦)

 
 
 

樂園周圍都充滿歡樂氣氛,完全沒有恐怖萬聖節的感覺,小朋友來到一定唔驚驚!

 

但有一個地方,真係要睇你夠唔夠膽挑戰⋯⋯

 
 
 
 

「詭夢實驗室」黎啦!這裡是全樂園中唯一一間「鬼屋」,但今次唔係玩血腥恐怖,而係玩迷離、驚喜,你問我驚唔驚?我就覺得好正!實驗室一關接一關,有故事承接,好想一直走下去看故事!

 

邊走邊看就會發現熟悉的迪士尼人物和故事,最深刻印象有《反斗奇兵》安仔的玩具房,甩頭甩骨的玩具原來可以咁詭異(*^◯^*)

 
 

 

《愛麗絲萬遊仙境》裡的瘋帽先生都在實驗室裡開party!

 

仲有最驚險刺激的《魔盗王》情節!可以瘋狂尖叫!

 

仲有其他迪士尼故事⋯

都係唔講咁多賣下關子才好呢~

如果萬聖節期間再來,我一定一定會再入實驗室玩多次架!我真係勁中意古怪的事~ 被老公說中:「識左你廿年都未見過你驚鬼!」(≧∇≦)

 

Well~ 鬼屋和刺激的機動遊戲我都不怕的,快d約我黎玩啦!嘻嘻~

 
 
 

時間過得好快⋯話咁快太陽下山,天開始黑了⋯ 入黑後樂園周圍都有「惡」人出來!嘩~

 
 
 

惡人唔止在樂園四處埋伏,

平時跟米奇米妮見面的花園變了「迪士尼惡人花園」,這日我跟《101斑點狗》,專門捉puppy的庫伊拉一齊扮下壞蛋,yeah~

 
 

另外「迪士尼鬼馬Trick-or-Treat」在會在花園裡跟遊人玩遊戲,贏取小禮物,記住黎玩呀!

 
 
 

美國小鎮大街的商店周圍已換上萬聖節新商品,好吸引呀!我要忍住⋯唔買⋯咁多(≧∇≦)

 
 
 

是晚更有男神王宗堯出席「反轉迪士尼」揭幕儀式!超型呀!我好中意男神架!

 
 

晚上的迪士尼,迪士尼六大惡人出巡同大家鬥惡!左邊開始是大灰狼、紅心皇后、Jack、Oogie Boogi 、101斑點狗庫伊拉和小飛俠中的虎克船長~

 
 
 
 

之後我地又在小鎮大街霸個靚位等睇 「迪士尼惡人大出巡」,期間食下「迪士尼鬼馬Trick-or-Treat」贏左的糖果先!

 
 
 

晚上的巡遊畫面更豐富,小鎮大街至城堡都會變得昏暗,周圍都投射充滿萬聖節氣氛的燈光和幻影,好好睇!迪士尼的每一個巡遊真的不能錯過!

六大惡人會逐一出來跟大家見面,萬聖節的歌曲都好好聽,我又想跟住跳舞呀!

 
 

好中意呢隻骷髏骨貓貓呀!

 
 
 

惡人巡遊都好精彩,迪士尼是一家老小都啱玩嘅樂園,希望有機會帶皮皮黎玩下啦~ 

 
 
 
 
 
 

去片睇下啦! [daidaipipi] 迪士尼Halloween 惡人出巡! 

YouTube :

 
 
 

 
 

關於daidai & pipi
Daidai & pipi 的快樂魔法

 
 
 
 

Instagram:daidaipipi


熱門文章

召集親子餅印照片.展示最強DNA | 入選100強即獲精彩禮品
媽媽谷 | 免費加入Ohpama WhatsApp group獲得最新資訊 著數優惠
復活節海外玩2024|17大復活節好去處 日韓賞櫻/大阪環球影城復活節慶典限定/特色室內遊樂場
運動嘉年華 3月限定免費入場 5大運動體驗區 +近距離接觸香港運動員+免費換領紀念品
送《劇場版 角落小夥伴 奇幻的玩具工廠》電影換票證 | 展開奇幻探險之旅

全港最大戶外 電動車 場 「拖頭」/工程車/掘泥車/飄移賽車/警察電單車 3歲就可以玩|初初媽媽
中環海濱變220米藝術長廊 免費打卡︱復活節好去處
精選13大郊遊野餐好去處
昂坪360 復活節尋蛋派對 人氣插畫角色「好想兔」首次跳入香港
復活節本地遊2024 |24大好去處推介 復活節嘉年華/親子田徑比賽/復活蛋工作坊/室內遊樂場快閃優惠
藝術維港2024︱teamLab 發光蛋 首星期預約已滿額 呢個日子開始有即日預留名額! 附預約連結
查看更多   ▸