香港維港景色靚絕亞洲，因而獲得「東方之珠」嘅美譽。最近ICC環球貿易廣場外牆將會上演全新一季聲光耀維港，每晚19:45同21:00將會各上演一場，爸媽記得準時帶孩子親身去感受一下維港嘅迷人景色。
全新一季聲光耀維港主題為「夢幻之旅」，由小女孩觀星許願拉開序幕，當流星劃破天際，小女孩會默默許下心中願望，隨即展開奇幻旅程，化身成美人魚自由自在嬉戲玩耍；更會變成飛天小仙子，同一班蝴蝶結伴飛越城市上空，將愛嘅種子散播到香港每個角落。
至於喺聖誕佳節（即由12月21日至27日晚）亦會有新聖誕燈光動畫喺ICC外牆展示，更會於12月31日除夕夜上演倒數環節，陪伴大家一齊迎接新開始。
日期：即日起至12月31日
時間：每晚7時45分及9點正（每晚兩場）
最佳觀賞方法：市民可往中環國際金融中心商場P3及P4的公眾露天平台等地方觀賞，更可同時收聽動畫配樂。
相關文章：
【85攤檔任逛】Pinkoi香港好物市集 買童裝吃小食
【媽媽市集】MAMASMART X 小母牛 學整蜜蠟種薯仔