【湊B唔怕殘 神奇的維他命B3幫你keep 靚樣！】
2016-10-19
煮飯、洗衫、打掃、湊細路、教功課⋯⋯現代媽媽生活好忙碌！每朝起身望住塊鏡，膚色差、細紋雀班又多咗，仲要適逢秋風起、天氣乾燥，肌膚也照跟無誤⋯⋯那怕假以時日會認不出自己！
殘樣示人，即使再有Heart，丈夫阿B都未必收到，心情瞬即「灰爆」。唔通持家有道的代價就是天天累爆、望住肌膚變差？放心！一眾媽媽無用懷念「做女嗰陣時」，想搵簡易方法保養肌膚、對抗歲月神偷？註冊營養師陳國賓（Leslie）、城中公認的賢慧靚媽媽楊婉儀（Winnie）都話「讓肌膚外而內吸收維他命B3啦！」
肌膚是阻隔侵害的第一道防線！
「唔好以為追求肌膚健康就等於貪靚！」Leslie強調肌膚是身體最大器官，每日都用到好多能量去維持健康，以阻隔外來污染物、細菌和病毒。但現代媽媽們經常要面對生活壓力與育兒挑戰，往往使肌肉、血管長期處於繃緊、收縮狀態，令肌膚的防護力減弱，一不留神就被「偷襲」，加上食無定時、節食、少運動，結果肌膚出現皺紋、暗啞，未老先衰！
「咁點算？！」唔使怕！Leslie指肌膚細胞懂得自我更生修復，故只要每日從食物和護膚品中讓肌膚直接攝取所需維他命B3，內外同時補充，雙管齊下保持膚色健康、毛孔細緻和彈性。修復同時亦提供能量增加膠原蛋白生長、輸送水分和養分到肌膚表層的速度，加快新陳代謝，keep住容光煥發。
內而外散發健康膚色的秘密⋯⋯
環顧知名科研，Leslie提到的維他命B3現被視為醫學界新寵，更是2016年大熱護膚成分、效用將愈見廣泛。Olay Total Effects多元修護UV防曬霜配方內率先加入豐富維他命B3，經英國研發、瑞士生產技術、美國測試評估證明可以修復肌膚天然屏障、保濕、激發細胞能量、美白去斑、抗衰老、深層滲透肌底等保養功效，相對市面上含有維他命A、玻尿酸等只能解決單一肌膚問題的護膚品成分更為全面。
身為香港小姐又是幼稚園創辦人的Winnie對Olay亦投信心一票：「佢哋有好好嘅指標話俾我知，護膚品嚟到我塊面之前有好多好多人做咗好多工夫。」唔講唔知，這位現代媽媽信賴科學和數據、認為質素和效果重於一切，小至護膚、照顧家人，大至籌辦幼稚園時都會看很多資訊才做決定。
信鄰居不如信科研！
「我知道Olay喺全球第一嘅護膚品牌，同時亦係全港第一，係經過世界各地好多Research去研發出嚟嘅。」比較過後，Winnie認為貴唔等於好，故選擇跟隨最新大學科研大勢，從英國倫敦大學學院、美國維珍尼亞理工學院暨州立大學、亞利桑那大學等針對性研究報告中，了解維他命B3對保養肌膚的重要——深入肌膚底層的根本修護元素。即使再忙，現代媽媽為自己選護膚品時亦不會馬夫！
除科研認證，OlayTotal Effects多元修護UV防曬霜更獲全球100個美容大獎肯定，一支在手，天天搽，就能令毛孔細緻、撫平臉上細紋、淡化色斑、改善乾燥狀況、均勻膚色、為肌膚提亮達到緊緻效果，解決七大問題，對抗衰老。現代媽媽只要一個步驟就能解全方位肌膚七大問題，讓膚質重現嫩、滑、潤、彈！當肌膚能夠直接從外而內吸收每日所需，就能散發自然健康好氣色，即使家務再忙、阿仔阿女功課默書再多，肌膚都叉足電，親子持家無有怕！
