日期 | 全年適用 |
記得過去兩年的青衣戲棚掃街, 場內最有氣氛, 最能逗得大家哈哈大笑的檔位, 非彩雲姨姨莫熟.
這款五六十年代, 傳統的街頭手藝, 今時今日絶對難得一遇.
彩雲姨姨說:「E個捏軟糖公仔, 吹軟糖波波, 差唔多失傳喇! 我應該算係唯一一個女師傅. 吹波波, 笑呵呵! 如果你吹得大過我前面個鐵圈就有大獎, 吹唔到都有細獎」
彩雲姨坐在自家製手推車中央, 前面擺放了5色的軟糖格. 大家付$12揀選一款味道的軟糖後, 彩雲姨就會拉出一個如鎖匙大小的斗形軟糖給你.
彩雲姨會教每一位客人:「你唔好將條管揸咁實, 首先慢慢吹, 吹到一個雞蛋咁大, 就要用力D, 加快速度, 大人細路都吹到架」
因為糖醬需要保持一定熱度, 所以當你一從彩雲姨手中接過糖時, 會感到一絲暖意, 因為糖醬真是暖的.
但隨溫度下降, 糖會慢慢變硬, 所以要吹出大波波, 一定要趁糖醬暖暖軟軟的時候.
這種「捏糖手藝」已被列為非物質文化遺產, 彩雲姨不停的捏出大大小小的公仔, 有猴子, 兔子, 海豚, 小花, 企鵝等, 全部都是給吹波波後的人換領來食.
今日SY贏了大獎, 他揀了小猴子後說:「我要儲架…我唔捨得食, 爸爸, 你唔好食咗我架」
從前香港地有很多師傅挑著擔子織草蜢, 捏麵粉公仔, 拋擲飛機. 今日想遇到這些傳統手藝的師傅, 可說難上加難.
所以, 如果大家有機會在街上偶遇彩雲姨, 不妨也上前, 感受一下昔日美好年代的玩意吧!
作者:大仁生活