今日帶SY去銅鑼灣, 齊齊看「渣打藝趣嘉年華夜光巡遊」預演, SY:「哦! 我記得~上年係維園仲落住毛毛雨吖麻」(好記性喎!)
今年的預演改了在白沙道舉行, 雖然路程短短, 但可以更近距離與3, 4 米高的夜光巨型大公仔接觸, 非常震撼.
一走到表演場地, SY大叫:「有Elsa呀!! 不過..點解佢塊面咁多車紋(皺紋)嘅」
努力在作最後整理的工作人員答:「佢唔係Elsa喎, 佢叫Helena係仲夏夜之夢嘅人物」
由未開啟電源, 到變百夥Led燈泡亮著之際, 真的如同女士們化妝前後的半若兩人.
SY:「嘩! 著咗燈真係好靚呀!」
之後有由蟲蟲特攻隊設計的小小小蒼蠅, 我說:「你真係烏蠅呀? 其實有D似小強?」
全場最吸引我的, 一定是橙色頭髮, 藍色長裙的Hremia, 原來莎士比亞劇目的主角如此搶眼, 仲夏夜之夢有沒有動畫版本呢? 好想買來看看喎.
在巡遊隊伍準備出發前, SY拉我到一位演員的前面, 並對我說:「佢係米國王的新衣嘅國王呀?」
我心想:「安徒生童話應該唔關莎士比亞事, 係應該係同林奕匡有關呀??」
說時遲…高潮夜光巡遊預演正式開始, 首先由高貴的Helena率領一眾巨型木偶登場…
SY:「Elsa嚟啦…(乜真係咁似咩?)」,一大一細的次序, 於是便由可愛花仙子接力出巡.
之後的Hremia依然是最有風采的一位, 緊接的則是小蒼蠅…SY:「爸爸, 我又唔覺得佢似曱甴喎」(咁睇睇下, 佢又幾得意嘅)
最後就是SY口中的波兒壓軸, 原來這是愛神邱彼特, SY:「好攪笑呀! 佢攞住支箭架」
我:「一被佢支箭射中就會有愛情」, SY:「爸爸! 你睇…佢真係好似想射箭咁樣, 好得意」
預演亦隨邱彼特走入終點舞台便完結, 如果想再玩攤位遊戲, 又或者欣賞舞台劇, 就可以在嘉年華正日2天到維園免費玩過痛快.
SY:「我想快D到下星期, 我想去玩, 同睇多次波兒射箭」
渣打藝趣嘉年華2016
日期:12-13/11/2016(星期六至星期日)
時間:上午10時至下午4時
地點:銅鑼灣維多利亞公園中央草坪
藝趣銅鑼灣夜光巡遊 ~11月12日 (星期六)
時間:晚上8時30分至9時30分
地點:銅鑼灣利園一期至希慎廣場
藝趣銅鑼灣壓軸巡遊 ~ 11月13日 (星期日)
時間:下午3時至4時
地點:銅鑼灣維多利亞公園至東角道
作者:大仁生活