【別對號入座】台灣老師列出12類怪獸家長,見到都怕
2016-11-10
有台灣老師在網站列出了 12 類怪獸家長,話老師見到都驚、完全無晒符。雖然係台灣例子,但部分類型香港都可能遇到,總結出 12 類出來看看。嗱,千萬別對號入座,只係參考,警惕一下自己!
1.動不動投訴型
老師話:學生唔聽話,老師偶然罵一罵好正常,家長毋須大驚小怪嚟學校嘈,或者開記者會、發律師信呀!
2.推卸責任型
有家長會跟老師說:「孩子我交給你教,該教就教、該罵就罵,全由得你!」老師話:家長愛講這話,老師未必愛聽,因說話看似客氣,其實有點推卸責任,教師關心學生不等同「母愛、父愛」,家長都有自己的責任架!
3.自大型
家長在某方面有成就,自以為係教育專家,最愛對老師教學指手劃腳,又唔配合學校正常運作,甚至自己提出教育方法,搞到老師非常頭痕。
4.過分緊張型
非常重視孩子教育,經常打電話問老師孩子在校表現如何;孩子成績有點波動就非常緊張,一切以成績行先。這種家長不但造成老師壓力,連帶孩子都好有壓力。
同類都有家長看見孩子默書不及格,馬上趕去學校質問老師。身為老師會莫明其妙:「點解你喺屋企唔陪小朋友溫習,反過來質問我?」其實,有些老師在校跟孩子相處不過 1 小時左右,係咪有啲責任家長都要負責番。
5.毫無主見型
這類家長迷信專家、迷信各種傳言,人云亦云;人家找補習佢又想,人家孩子學乜佢又要,沒甚麼主見,易受人影響。
6.愛找藉口型
明明係小朋友偷懶唔做功課,但家長都偏袒,幫他搵籍口,這只會教出不負責任的小朋友,到長大無責任心,到時受苦咪又係父母。