去年置地廣場請來聖誕小熊陪過節,反應非常熱烈,食髓知味,今年再下一城,請埋小熊一班動物朋友仔,他們個個都身懷絕技,今個聖誕將會為大家送上一場別開生面嘅馬戲表演!
表演現場有超過100隻動物機動裝置,每隔30分鐘就會配合精采嘅燈光效果同音樂翩翩起舞,相信小朋友睇到都會手舞足蹈,一齊熱鬧熱鬧。
▲機動裝置每隔30分鐘就會有表演
▲有甚麼值得看?大象在高空鋼線踩單車,係咪好驚險?!
▲鬼馬嘅馬騮仔會聯同馴鹿同鴕鳥,為途人送出聖誕禮物!
▲一班兔仔同獅子,將會喺平衡雙輪上面打轉,為觀眾帶來驚喜演出!
▲連河馬都嚟玩埋一份。
▲唔好唔記得抬高頭欣賞!
▲當然唔少得聖誕老人。
喺聖誕期間,只要填妥置地廣場馬戲團特別門券,並將門券投入聖誕許願裝置,置地廣場就會向本地慈善團體「願望成真基金」捐出港幣20元正(每張計算),把盼望、喜樂同愛分享俾不幸患上危疾嘅兒童。
廣場內又有精品店,售賣tote bag、朱古力、聖誕咭、毛公仔等,所有收益,同樣將會撥捐願望成真基金。
日期:2016年11月24日至2017年1月1日
時間:10:00–22:00
地點:香港中環畢打街11號置地廣場