聖誕節係一個「放閃」嘅節日,無論係一家大細定係情侶,都喜歡將靚相上傳到社交網站,閃爆網絡!如果你都想影靚相,可以由即日起去德福廣場,嗰度有小朋友最愛嘅萬花筒,同埋令人夢寐以求嘅北極光,吸睛程度極高!
爸爸媽媽工作忙,可能連帶小朋友去旅行嘅時間都無,更遑論北極光。不過今年德福廣場透過電腦繪圖同數碼投影技術,打造咗一間「北極光」館,令大家可以不受時空限制,同時欣賞到獅子座、英仙座流星雨等現象。
除咗極光,德福亦為大家帶來面積達200平方呎嘅萬花筒,小朋友可以置身喺虛幻嘅萬花筒入面,成為主角影靚相。而且萬花筒仲會慢慢變色,小朋友一定鍾意!
同場加映,喺德福廣場二期有一棵高20呎嘅魔幻玻璃聖誕樹,樹入面嘅小鎮不時會落雪,想影到有飄雪效果就要俾啲耐性喇!
日期:即日起至2017年1月2日
時間:中午12時至晚上10時
地點:德福廣場一期大堂及二期
查詢:2750-0877
攝影:褚樂琪