【Z世代】4個對比話你知網絡世界如何反轉親子關係
2016-12-17
時間匆匆流逝,以前的「X世代」、「Y世代」不再,已經進入「Z世代」的世界;所謂「八十後」、「九十後」都漸漸被「零零後」取而代之。網絡世界的出現,令許多親子關係都有180度轉變!
1. 唔願返屋企 VS 唔願出門口
以前個個百厭星出街玩到周身污糟邋遢,唔到六點都唔肯返屋企。每逢中秋、聖誕都落樓下公園玩,夜一夜先返屋企。依家個個屈喺電腦、遊戲機前面,想佢出門口都難。大時大節唔係喺屋企打機、睇電視,就係去商場行街。
2. 細路搞搞震 VS 父母愛自拍
以前去旅行,爸爸媽媽執哩樣執個樣,出發前再數數,梗係會有啲嘢唔見咗。原來就係俾仔仔囡囡攞咗去玩。依家去旅行,執嘢嘅都係父母,但當仔女去搵嘢玩嘅時候,就會發現原來支自拍神器已經俾爸媽攞咗去自拍,遲啲就會發現自己被tag。
3. 大聲嗌媽咪 VS 乜嘢都whatsapp
相信大家都試過去廁所冇廁紙,簡直人間悲劇。以前我哋會大聲嗌媽咪求救,依家手機不離身,方便到whatsapp打幾句就可以叫媽咪嚟救你啦。
4. 求救搵媽咪 VS 求救搵Siri
多數阿女唔識煮飯都要阿媽教,有時煮飯有事都係打電話搵媽咪求救,依家時不時都會發現阿女突然就會煮出一味連你都唔識煮嘅餸,原來係google教路。求救都唔洗搵媽咪,直接搵Siri就得啦!
來源:Bright Side