SY:「Yeah! 迪士尼好耐…好耐無見啦!! (你好似9月先嚟玩過Halloween咋喎) , 萬聖節唔計呀! 因為咁多鬼, 都唔係平日嗰迪士尼」
一年容易又飄雪, 去年第一次走到美國小鎮大街, 更有Elsa陪同看雪看燈飾, 非常興奮.
今年再次安歌, 下午時份大街上已經有不少演員哥哥姐姐, 盛裝與大家玩小遊戲.
姐姐:「小朋友你對紅襪咁靚, 係米聖誕老人送畀你架?」之後便與SY齊齊玩她手上的聖誕圈圈…
Duffy 與 Shellie May一早換上聖誕新裝, SY:「迪士尼個聖誕節真係早過我哋好多喎」
之後, 太陽伯伯又差不多落山, 我們準備迎接最期待的一刻 ~ 18米高聖誕樹亮燈!!
本來, 每日的聖誕飄雪設定為 17:45 或 18:00 開始（按日期不同）, 不過, 有理由相信首輪飄雪機未熱身, 所以非常薄弱. (好戲將會在後頭, 請放心)
亮燈時間由 18:15 或 18:30 開始（按日期不同）。聖誕樹高 18 米, LED營造出不同浪漫圖案.而現場更有「聖誕歌詠團」大唱迪士尼歌曲助慶.
不過, 對不起, 全條小鎮大街的燈光投影, 加上愈來愈大的飄雪, 還有煙花伴隨, 全場已經進入熱血沸騰, 可能沒有人留意他們在唱甚麼!
個人覺得聖誕樹前表演, 不及大街兩旁的投影及煙花, 建議大家可以退到大街中央, 更空曠, 更寬廣, 小朋友更多空間與大雪玩遊戲.
SY:「雪呀! 雪呀! 真係好多雪呀!」,雀躍的SY不停走來走去, 手掌向天, 希望不停捉緊白雪…
耗盡百二分精力的SY, 不停跳上跳落大叫:「我想要好多雪, 好多雪, 好多雪」 , 我:「Yeah! 好多雪呀! 但點解D雪乸乸地眼嘅?」
開心時刻飛逝, 大約5分鐘的動人場面, 霎眼便過, SY略帶失望的說:「咁快又落完雪喇」
我:「不如我哋去搵聖誕老人高飛啦, 佢可以幫我哋免費寄信去全世界呀!」
迪士尼新設了高飛聖誕郵政局, 大家只要跟高飛合照完後, 便可以得到明信片, SY:「仲有個高飛貼紙可以貼上張卡呀!」
即場寫明信片, 還可以自行揀選米奇, 唐老鴨, 高飛印章, 之後你便可以寄到全世界任何一位朋友…甚至你可以寄到Rovaniemi聖誕老人村, 與聖誕老人表達心意.
SY:「爸爸! 我哋都無貼郵票, (免費架…高飛幫我哋貼呀)」
雪亮聖誕
地點：香港迪士尼樂園
日期：即日起至2017年1月2日
收費：小童 $385；成人 $539；長者 $100
