日期 | 全年適用 |
6月份時同一家3 口去左一次布吉, 而亦係柑B第一次坐飛機。
我由大肚到生左BB之後就無再去過旅行,真係好開心啊~
今次行程主要係relax ~
DAY 1
坐泰航, BB 車我地上飛機前交比職員, 我問可以一落機就拎嗎?
原來布吉因為安全理由是不可以一落機就拎, 一定要經輸送帶~
(之後我就開始幻想如果架車比人丟爛左唔知尼幾日可以點過XD)
柑B一開始都表現興奮, 但過左一陣就不停問: 幾時到? 到未?
好彩泰航都比左D 顏色畫薄柑B, 打發左一陣時間。
之後一人一杯果汁, 柑B飲剩一啖 (沒錯, 係一啖)
柑B: 我留D 食飯飲~
我: 一啖你飲埋佢啦, 一陣食飯應該都有果汁架~
之後見發小朋友的兒童餐, 我覺得好豐富呀 ~ 柑B亦表示滿意!
食左一大半, 再食條蕉, 飲埋果汁, 飽飽~
全程柑B係無zzzz 過~
終於到布吉啦~ 因為柑爸已經 BOOK 好車, 司機已經等緊我地~
45MINS 左右就到酒店了~
我地就住3 晚尼間: Grand Mercure Phuket Patong
行去巴東市中心要 10-15MINS 左右, 不過我覺得幾好啊, 當行下街~
之後就直接出市中心, 其實酒店有shuttle, 不過要夾arm 時間 ~ 所以我地直接行過去~
Jungceylon係布吉南部最大既商場, 其實無話特別有咩行~ (因為我忘記了拍照, 在google search 了2張相)
行下BigC, 手信店, 之後我地見到有一間好大嘅 PLAYHOUSE (不過因為太夜, 所以第2 日先去左)
是但簡左一間餐廳.食左好多野先 $300 左右埋單, 都好合理~
之後就回酒店休息, 因為我地DAY 2 要一早出島~
DAY 2 行程:鳥蛋島>PP島>浮潛>回程>Molly Fantasy
因為柑爸一早已經 join 左local tour, 當日早上食完早餐, 準時去酒店樓下就有車接我地~
車程都唔近, 柑b有d 唔高興, 終於到啦~
其實果日天陰陰我都好擔心, 好彩準備出島天氣又好番 ^0^
之後坐快艇, 因為小朋友救生身對柑B都是大件, 所以我地自備了救生身!
架快艇超快, 我有少少驚, 不過柑B又好似OK ~
到鳥蛋島啦~
一開始無魚架, 我地一丟麵包就好多魚~
我仲以為柑B會驚, 佢不知幾大膽, 之後仲同我投訴 D 魚咬佢~
柑 B 件救生衣好似反斗城同mothercare 也有, under $200
但之後去PP島個天就開始陰, 仲有D 大風~ 好彩好快又上船去浮潛。因為我本身唔識游水又要睇住柑B, 所以得柑爸落水~
之後柑B想去小便, 其實佢著左游水片~
我: 你著左片架嘛, 去落片片度 (因為佢戎左日片好耐) 點知因為我地D泳衣濕, 一路有水滴出黎~
柑B: 係咪有片架, 我成腳尿呀! (驚)
我: 海水黎架! (我當時真係笑死了)
之後就回程, 1秒內柑B突然瞓左…
當日番到酒店柑B就醒左, 大家沖完涼又出去市中心。
原來酒店架shuttle bus 好傳統架, 好得意~
當時都2,3點, 不過太餓, 大家都整個full lunch!
柑B 食左一碟飯, 無錯, 係成碟食曬~
距離 dinner 仲有一大段時間, 所以就同柑B 去左之前提到個 playhouse Molly Fantasy 玩~
超級大!
大家要留意: 如果無著襪要買左襪仔先可以入場 (大概HK$10/對)