【大仁】香港獨家: 90Mins 搓出自己「出前一丁」 !! 勁好玩

日期

全年適用

上星期, 正當我跟阿太說:「點解今年杯麵工作坊仲未公佈係邊個商場有得玩嘅?」, 忽然便收到PR姐姐邀請, 出席將會於機場開設的全球首間「出前一丁工作坊」… Yeah!!

其實, 我家已連續4年自己杯麵自己造, 麵癮太深, 一年不造滿身不安樂…今次工作坊更加是常設活動, 以後上機前可以早2個鐘, 玩完才上機喎.

工作坊除了一向大受歡迎的杯麵環節外, 最最最令我期待的, 當然就是連日本也沒有, 由麵粉開始 DIY 屬於自己的出前一丁.

首先未進行任何工序前, 先要洗手, 洗手, 洗手.

之後穿上頭巾, 及圍裙, SY:「嘩! 好靚呀!」, 一丁姐姐:「頭巾會送畀大家, 不過圍裙就需要留畀下一場的參加者」

之後, 一丁姐姐就開始講解搓麵、切麵、炸麵、包裝每個步驟, 阿太:「90分鐘做唔做到咁多嘢架?」

SY:「枱面咁多個玻璃樽有咩用架?」, 這只是解釋出前一丁的成份, 最王道就是麻油…不過這5瓶都只是道具, 因為之後一丁姐姐會提供真正的材料給我們.

一丁姐姐:「女士們要先將所有戒指、手鏈收好」, 其實塗指甲油, Gel甲亦不可以. 阿太:「我全部都無…」, SY:「我都無」(你梗係無啦)

造麵第一步, 當然就是搓麵粉. 一包粉原來只是一個麵餅的份量. 我們將全部麵粉倒進盆內, 再撥出一個小孔, 倒入鹼水, 攪攪搓搓至淺黃色便可.

沒有心機的SY忽然玩手指, 我:「你唔搓啦?」, SY:「我睇下隻手指啫…我有姐姐幫我」(真係唔好意思)
之後便利用木棍, 上上下下按壓麵糰, 直至麵團可放入製麵機入口.
一接觸機械, 小朋友就興奮, 我們要手掌大小的麵糰, 反覆放入製麵機內推壓14次…連我也不知道, 原來阿囝可以有如此的恒心…

1次, 2次, 3次… 13次, 14次…一丁姐姐:「嘩!小朋友, 你真係唔攰喎, 咁犀利嘅?」

之後我們就要將麵糰放入膠袋內發酵, 一丁姐姐:「發酵17分鐘就可以啦!」, 而已經進入極度興奮狀態的SY竟然說:「媽媽, 我幫你壓埋你個麵糰啦」(吓! 你真係勁)

兩個麵糰初步完成後, 我們又從膠袋中取出來, 再重新加壓5次, 目的是要將麵糰變長…SY:「哎呀! 真係每跌落嚟一次, 就長咗咁多喎…哈哈哈」

最後, 麵糰由一部計算機的Size…壓壓壓就變長至差不多跟阿太一樣高啦…嘩！勁呀!

切麵更加攪笑…因為麵會由最初的負離子形態, 慢慢由直變攣毛, SY:「真係呀! 真係呀! 攣啦攣啦!」

一丁姐姐:「一頭一尾直直的麵條, 我哋唔要, 所以家長可以幫手剪走佢」

之後工作人員就會幫手, 將麵放入爐去蒸4分鐘, 這個時候就是最重要的「畫出前一丁包裝袋」

我:「得4分鐘咋, 所以你哋要畫快D…」, SY:「媽媽! 你幫我手一齊畫啦, 我要畫多D布甸狗」, 阿太:「我都要畫杯緣子, 你叫爸爸幫手啦」

蒸好後的麵餅, 工作人員會拿出來, 在我們面前將麵對接, 一丁姐姐:「我哋會剪走多餘的麵條, 因為一包大約100-110g」

我:「其實, 我哋唔介意食多D, 所以唔駛剪都得嘅」, 一丁姐姐:「唔好意思, 規定咗!! 同埋太多麵的話, 炸出來又會太油」(講笑啫)

差不多進入最終形態的出前一丁, 就會被送入大油鑊內，用約 150 度嘅油進行「瞬間熱油乾燥法」…

我:「嘩! D油咁勁嘅?? 我估入面一定好熱, 出晒煙…」, 大約分半鐘之後, 油便由活躍變成沉默, 而工作人員又即時抽出炸架…我的出前一丁整裝待發啦.

最後由工作人員用機器將麵袋封實, SY及阿太接過自己做出來的出前一丁, 有人即時放ig, SY即說:「聽朝我唔飲奶, 唔食粟米片啦, 我要食出前一丁」

DIY自己口味合味道 工作坊除了有新加入的「出前一丁DIY」外, 當然不少得王牌項目「我的合味道杯麵 DIY」$30 就可以從杯身包裝設計, 到選擇湯底與配料, 製作完完全全個人化的原創杯麵.

DIY杯麵過程與之前每年的商場工作坊幾乎一樣, 事前用酒精消毒雙手, 再揀杯及杯蓋.

SY:「爸爸! 我識架啦…所以你唔駛影我都得, 你自己影其他啦」

4種湯底選一款; 12款配料中揀4款, 今次沒有了鮮蝦味湯底, 芝士配料就是香港獨家, SY:「芝士, 粟米我最鍾意」

設計杯身, 小朋友又同樣畫布甸, 但見我畫Bearbrick, 又開始參考我了.

之後就要將杯拿到「工廠」製作, 4個步驟, 分別有不同工作人員為你講解.

工作人員先為你將麵放入己消毒的杯中.

之後就是加入湯粉, 及配料…

SY非常享受那著咪說話的感覺…我一早叫你去學唱歌啦!! 可惜你天生害羞怪呢!!

最後透過壓力同熱力密封麵杯…雖然我們已經看過5, 6次, 但仍然覺得非常吸引.

登!登!登!凳! 我們的 DIY合味道出世啦！