❤️ 柑B與 STRIDER 平衡車相遇 ❤️ 新手比賽篇

回顧: 柑B 成長日記 ♥ 我與 STRIDER 平衡車相遇了 ♥ 

一眨眼, 柑B玩STRIDER 已經快1年了~

喺柑B玩左3個月時我就貪得意報左個STRIDER 比賽比佢玩下。

當時柑B只係新手之中嘅新手, 輸係必然, 但佢咬實牙關去比賽嘅表情令我意外發現尼位一臉babyface 嘅小朋友原來非常有鬥心。

我亦都有表揚佢努力比賽, 事後我有同佢傾過。

我: 係唔係好想嬴?

柑: 係!

我: 人地練習比你多, 比你更努力, 所以如果你想嬴就要更努力!

柑: 我要練習, 我要努力!

只此我地每星期都會抽出1-2天去練習 (其實亦可以話玩XD)

玩得多就愈來愈熟練, 膽亦愈來愈大~

之後我開始考慮請教練去提升技巧, 當然我亦有同柑B商量過尼個問題。

我問佢, 如果佢想只當STRIDER 係興趣, 我就唔再報任何比賽。

但如果佢你想再參加比賽, 我就搵教練幫佢提升技巧~

而柑B係諗都唔諗就話: 我要比賽! (小子有鬥心)

當然我亦有提出條件, 請左教練除左要專心上課, 亦要抽多D 時間練習, 柑B亦欣然答應。

其實我介紹 STRIDER 以來, 都有不少朋友, 網友問及資料。

亦有問, 係咪要跟教練學?

小朋友學野可以比佢地先自己摸索, 玩得多自然好, 如果下下一下子就學, 教練當然會教得識小朋友, 不過小朋友就少左自我摸索的機會~

(當然大前題係要有朋友一齊玩先開心~)

之後柑B亦有參加左另一次比賽, 其實表現真係唔錯, 點知佢同隊友傾計唔專心, 炒車炒埋一碟。

柑B撞到個鼻, 流鼻血流到一身都係, 仲完成唔到比賽 …

心痛就一定有, 不過都係一個好好嘅教訓, 比賽唔專心係好易炒車, 受小小傷已經好好彩! (而尼件事亦比我拎出黎講左N次)

 <– 有血有汗 (仲有淚)

但其實睇番相, 柑B係笑住跑

笑

一路笑

佢係享受比賽 (而我喺終點好緊張等住佢)

當然如果你問我, 想唔想佢嬴, 我當然想啦, 不過輸也不用太在意。

只要盡左力, 之後再努力, 再努力, 我相信一定會不停進步。

其實比賽之中你可以見到好多不同類型嘅家長!

我都不停提醒自己唔好做怪獸 ~

好似柑B總決賽時係排第10 (因為佢由復活賽入總決賽, 所以排位會比較後)

我當時係咁同柑B講:你一陣個排位係第10, 你只要追過前面9架車, 就可以第1名! 我相信你可以, 你有無信心?

柑: 有, 我做得到! (眼中有火)

坦白講, 要追9架車真係講就易, 加上對手亦好強。

但因為總決賽係跑2 圈, 如果無訓練開一定會愈跑愈慢, 我對柑B之前附出過嘅努力都有信心~

雖然真係比佢愈追愈前, 但最後都係炒車收場XDDD

果然, 人生如戲, 或者咁先精彩XDD

比人抱住去救護站, 一身血~ @_@

我都嚇呆左, 好彩個鼻無歪到~

當然, 我自己亦改變左, 由足不出戶, 到不怕炎夏, 同柑B一齊出車~

所以話, 有進步嘅又點止小朋友呢~

當然我要多謝同柑B一齊玩車的車友! 亦師亦友, 大家一起進步~

如果大家都有興趣參加比賽, 有咩途徑呢?

STRIDER CUP – 只可以比玩STRIDER 嘅小朋友參加, 如果有其他牌子嘅 balance bike 就唔可以參加!

Link: https://www.facebook.com/StriderBikesHKandMacau

香港平衡車會比賽 – 任何牌子嘅 balance bike 都可以參加!

Link: https://www.facebook.com/balancebikegrouphk

BMX 繽紛賽 – 任何牌子嘅 balance bike 都可以參加!

Link: https://www.facebook.com/hkbmxpark

以上團體都會有不定期舉辦比賽, 大家可以留意番佢地 facebook!

如果大家都係屯門區嘅朋友, 都可以參加我地 Flash Force 不定期車聚~ (車要自備)

大家記得like 我地個page 啊~

https://www.facebook.com/flashforce1208

作者：漫柑遊．柑柑媽與柑 BB

facebook page: 漫柑遊．柑柑媽與柑 BB