【另類親子】同仔女影鬼馬家庭照 網民勁讚
2016-12-07
相信各位爸媽時不時都會同自己嘅寶貝仔女影相，記錄低美好時光。通常爸媽都會想影低最靚嘅一刻，但係外國有為鬼馬媽媽竟然鍾情於影奇怪嘅相，仲整埋聖誕卡送俾親朋好友添！
呢個媽媽叫Shanti，有五個小朋友，其中四個都係領養。Shanti認為兒童管教一定要有好嘅親子關係，所以佢同自己講，親子關係一定要排首位。而為了同仔女更加親近，呢對父母用嘅方法就係放下架子，幽默地同仔女打成一片！
今年嘅聖誕卡！
Shanti其後投稿到Awkward Family Photo，網民見到佢哋咁有創意，都紛紛表示好欣賞，仲話想向佢哋好好學習咁話！各位爸媽，有無興趣同仔女影翻輯搞笑沙龍呢？
相片及資料來源：Awkward Family Photo、Life Made Full – Shanti Landon
相關文章：【超得意】日本小姊弟在家打擂台，互相交戲有功架！
【與子偕老】遲了70年的結婚照