【晴朗天】親子「Happy」冒險日@Spark Adventure


全年適用

自從上次晴朗爸爸玩過愉景灣Epicland嘅空中漫步之後,一直想搵番類似嘅活動玩,實行向難度挑戰呀!朋友介紹我哋試下Spark Adventure嘅活動,佢玩過話好玩同值回票價。一睇啲相就覺得「係喇!係我哋想要嘅嘢!」。心動不如行動,仲唔馬上報名?跟貼啲,跟住嚟啦喂!
一大清早嚟到西貢保良局北潭涌營地,各個家庭為嘅就係想親身體驗冒險歷奇嘅一天


教練介紹緊一啲個人防護裝備同器材,保護做好啲,咁就玩都玩得放心啲啦!


「Hey!! Are you Ready???」我哋準備好喇!

活動一:泰山飛索

裝備好之後,第一個活動係富有挑戰性,亦都係我哋最期待嘅「泰山飛索」。教練正向學員講解基本知識,好快就可以變「飛天紅豬俠」喇!woo~ ho~


晴朗爸爸做咗白老鼠,大家正合力拉緊佢上去樹上面呀!1~ 2~ 1~ 2~ 用力拉~~~


上到去樹上面,望番落嚟!你都咪話唔驚呀!樹枝好似咁單簿咁嘅~ 心理壓力都好大㗎!


第一飛~ 晴朗爸爸飛呀!泰山來也~


唔駛幾秒,話咁快就已經飛咗落嚟喇!晴朗爸爸話由樹上踏出去雙腳離開樹枝嗰一刻會驚啲,之後飛緊嗰陣就好鬼high~ 


跟住落嚟到朗朗喇!朗朗似乎信心十足咁喎!


1~ 2~ 1~ 2~ 用力拉~ 小朋友嘅體重同大人差好遠,幾乎一個人之力已足夠拉到佢上去樹上面


在樹上嘅朗朗好似有啲緊張,捉實咗教練隻腳~ 


唔駛驚呀!我哋會為你打氣㗎!加油!


Wow~ ho~ 飛~ 呀呀呀呀!


可以笑住咁飛落嚟,即係唔驚啦!yeah!!!


晴晴已經預備好喇!但我開始有啲擔心…


呢個仲輕啲,拉上去簡直係不廢吹灰之力啦!


我真係有啲擔心,唔知晴晴上到去會唔會喊住要落番嚟!/_ 已經開始聽到晴晴不停問教練嘢,好似唔係太夠膽飛出去咁…


當我行到去遠處位置預備影相嘅時候,晴晴已經「起飛」喇!見佢有勇氣嘗試,真係好開心呀!哥哥同我哋一樣戥晴晴緊張,係咁追住佢嚟跑~ 


落到嚟面露笑容,仲話想玩多次。原來之前嘅擔心係諗多咗~ 

活動二:泰山爬樹

我哋正學習點樣爬樹,大家都好留心聽。目標係爬到去最頂位置然後敲鐘!奸爸爹!


又係推晴朗爸爸出去做白老鼠嘅時候。XD 爬樹嘅時候需要兼顧右腳踩繩同埋將繩頭推高,不斷循環咁做呢幾個動作,話咁快就可以爬到好高㗎喇!


朗朗都好努力嘗試,但始終小朋友都係爭少少力,不如改為玩打韆鞦啦!


晴晴都好享受在樹與樹之間打韆鞦呀!哈哈!


親身體驗過爬樹之後,可能係入門級關係,感覺冇想像中咁難。切記唔好用牛力,反而慢慢哋,溫柔咁細步踩繩上,冇咁嘥力之餘,仲好快就可以敲鐘添呀!


第一次爬樹就爬到咁高,都算係咁啦!我已經好滿意喇!yeah!!!


上午活動到此為止,係時候要開餐補充體力。晴朗食飽又去玩,在沙地上都可以玩一大餐,趁機會仲可以親親大自然添!


下午活動正式開始!教練同小朋友講每個活動完咗之後都可以得到一塊碎片,上午進行咗兩個活動,就可以得到兩塊喇!


但係究竟碎片有咩嘢用呢?唔知噃!收埋佢先啦!

下頁: 小朋友解難挑戰


熱門文章

召集親子餅印照片.展示最強DNA | 入選100強即獲精彩禮品
媽媽谷 | 免費加入Ohpama WhatsApp group獲得最新資訊 著數優惠
復活節海外玩2024|17大復活節好去處 日韓賞櫻/大阪環球影城復活節慶典限定/特色室內遊樂場
運動嘉年華 3月限定免費入場 5大運動體驗區 +近距離接觸香港運動員+免費換領紀念品
送《劇場版 角落小夥伴 奇幻的玩具工廠》電影換票證 | 展開奇幻探險之旅

全港最大戶外 電動車 場 「拖頭」/工程車/掘泥車/飄移賽車/警察電單車 3歲就可以玩|初初媽媽
中環海濱變220米藝術長廊 免費打卡︱復活節好去處
精選13大郊遊野餐好去處
昂坪360 復活節尋蛋派對 人氣插畫角色「好想兔」首次跳入香港
復活節本地遊2024 |24大好去處推介 復活節嘉年華/親子田徑比賽/復活蛋工作坊/室內遊樂場快閃優惠
藝術維港2024︱teamLab 發光蛋 首星期預約已滿額 呢個日子開始有即日預留名額! 附預約連結
查看更多   ▸