【6幅圖一次睇晒】爸媽教養大不同
2016-12-12
男女大不同,何況養兒育女,爸媽真係有分別的!外國最近就有動畫家以此作題材,生動展示當中的6大差別。小編看了,也忍唔住笑!
#1. 玩遊戲時,媽媽認認真真跟孩子玩砌積木,但你睇下爸爸……居然將 BB 有咁高拋咁高,仲拋咗上去走開再接,使唔使咁激啊!
#2. BB吃奶,媽媽就餵奶;但你睇下爸爸…「喂,阿囝,整啖辣腸 pizza囉?」
#3. 孩子長大學踩單車,媽媽準備好晒頭盔、護胸和護肘,仲要捉實部車,免寶貝受傷;但爸爸就自己踩埋一份,仲一溜煙無影,叫孩子在後面追!
#4. 幫孩子洗澡時,媽媽會認真幫他洗擦乾淨;但爸爸認為開心最重要,拿堆泡泡跟孩子扮鬼扮馬!但又幾創意無限喎!
#5. 孩子要去化裝舞會,媽媽不眠不休連日趕工,為他縫製超人衫;爸爸則投機取巧,用卷廁紙捲埋囝囝扮木乃伊就搞掂,但落雨點算好啊?
#6. 孩子跟小朋友打架回來,媽媽罵完一輪再叫爸爸教訓;但爸爸卻為保護孩子,假裝邊罵邊叫孩子入房玩。唉,爸爸,咁媽媽點教囝囝啊?激死^^
總括來說,儘使爸媽教養方式大不同,但他們對子女的愛都是一樣,且缺一不可;只有爸媽一起愛孩子,才是世界上最好的教育。
資料來源:mamamura.net
相關文章: