【LKY的慢活生活】在DAY OFF慢慢享受真正的假期
2016-12-23
啱啱琴日收咗工，約咗個朋友喺銅鑼灣行咗陣街，又未夠鐘食正餐。
正當煩惱緊去邊間CAFE傾下偈之際，朋友就帶我去咗一間好舒服嘅CAFE，呢間CAFE名副其實叫DAY OFF。
先介紹下點樣去先，佢個地址係銅鑼灣富明街2至6號寶明大廈1樓C室，即係利舞臺對面。
開放時間係週一至四 3pm-1am; 週五至六 3pm-2am; 週日 3pm-1am。
DAY OFF 雖然位置不多，但空間都幾寬敞。
佢分咗BAR枱同坐喺小平台上。
DAY OFF 主打售賣慢活、輕食、咖啡，仲有ALL DAY BREAKFAST等等。
但因為筆者同朋友都唔太肚餓，所以只係叫咗杯苿香奶茶同奇異果吞拿魚三文治，味道絕對唔錯。
下次一定會再嚟食埋正餐。
啲度採用開放式廚房，全部即叫即做。
店內亦擺咗好多特色小擺設。
試諗吓喺銅鑼灣人多車多嘅地方，搵到一個可以懶洋洋嘅地方去傾下偈係幾咁開心嘅事，大家都去DAY OFF 度嘆番日啦。
作者：LKY的慢活生活