【懷孕你都有份】準爸爸學做窩心老公
2017-01-03
太太懷孕,嘔吐不適、檢查、做運動、無胃口、情緒低落兼抑鬱………一切、一切別以為只是太太的事,唔通BB的爸爸無份?
當然唔係。準爸爸尤其要喺呢個時候,學做窩心老公,多關懷、呵護太太,這樣太太懷孕開心、生B愉快,兩人感情都會更進一步啦!
吓,爸爸們/你老公,唔識點做?
唔緊要,看看以下外國網站,提供的 9 個「學做窩心老公貼士」,肯定對你好有幫助,自此成為世上最冧的老公,就無難度啦^^
貼士#1: 太太情緒低落、身體不適,爸爸們快啲主動關心、照顧,太太肯定好冧!
貼士#2:太太未出聲,老公已主動煮飯給她吃,有乜比「煮家男人」更吸引?
貼士#3:太太托住BB好辛苦,主動幫她做家務,太太看在眼裏,自然愛死你。
貼士#4:陪她去醫生處檢查,你會發覺,你的陪伴對她有幾咁重要。
貼士#5:幫她擦背,她定會放鬆又輕鬆。