| 日期 | 全年適用 |
Bye 2016。Hi 2017
。。。
Happy new year
天使家祝大家新年快樂，身體健康
2017 日日開心，天天快樂
。。。
消失咗一排
好明顯，我地梗係去咗玩啦
回顧過去一年
帶咗Tobia Artemis 去過唔少地方
同大家分享一下
。。。
農曆新年，郵輪初體驗
兩兄妹第一次踏足中國，在上海玩咗兩日
。。。
快遊長崎
。。。
速遊沖繩
因為之前來過
只在商場hea玩
。。。
暑假，郵輪之旅encore
主力遊台灣
。。。
高雄
食買玩
。。。
基隆
在台北同好朋友見面
剛好是Artemis正日生日呢
。。。
美麗的花蓮
影咗好多靚相
。。。
最特別，參觀郵輪駕駛倉
船長在船上的代步工具
他不是船長，是負責接待的
因為靚仔？哈哈
。。。
暑假同表弟表妹去澳門玩
。。。
在香港，都係日玩夜玩周圍去玩
呢個無人之境，夠特別了吧
我估唔係咁多人來過
這裏是大浪洲
。。。
九歲的Tobia
開心溫馨的小小生日會
年年都話唔再搞
出年十歲，搞唔搞好呢？
。。。
Tobia明確知道自己的興趣
唱歌跳舞演戲
是其中之一
七月的時候，兩個大型表演
合唱團做咗多年路人甲，終於有台詞了
學校考咗兩次先入到的戲劇校隊
勁難入，難得他唔放棄，一試再試
幸運地，分配到一個小角色
相對綵排時間多咗
辛苦，但沒怨言，仲要好享受
難為接送嗰位啫
學校星期一至四
合唱團星期五至日，仲要係2-10pm
。。。
升上四年級，功課忙咗又深咗
考試後有大型表演，都好擔心影響學業同休息
感恩，同Tobia約法三章
「讀書讀得唔好，唔好諗課外活動」
他真係有聽話，有努力溫書
成績其次，態度正確最重要
暫時兩邊都兼顧到
演出順利，獲益良多
只要你喜歡，要我在街上遊蕩幾個鐘有咩所謂丫
小朋友係要有夢想，努力向目標邁進吧
。。。
Tobia 另一興趣，打波
好多人話佢籃球打得幾好
我唔識呀，應該ok掛
入到夢寐以求的欖球校隊
一星期打兩日波
食多咗飯，飲多咗水
希望新一年快高長大
。。。
大左，好怕影相
我亦不想増加壓力，星媽好難做
唔係人地主動叫，我都唔會主動揾
今年只拍唔一次時裝硬照
哈哈，化妝後，gel咗頭的Tobia
幾靚仔
。。。
Tobia 進步咗好多
當然扭計時扭計，爆發時爆發
阿Q地諗，肯表達，總好過收收埋埋嘛
。。。
七歲的Artemis
簡單愉快的生日會
謝謝一班朋友仔的厚愛
。。。
Artemis 比較三分鐘熱度
好似沒特別出色的表現
我估係仲細，未認清方向
。。。
溜冰學咗四年幾
轉到好多個圈
去年發生小插曲，曾經跌倒受傷
我仲擔心她會怕咗，跟住放棄
竟然出奇地勇敢，當沒事發生
反而我仲驚過佢
Artemis 係鍾意溜冰既
下盤夠穩健，係適合嘅
。。。
愛畫畫，好多作品都睇得出好俾心機
沒特別參加甚麼比賽，享受過程就好
。。。
新興趣，其實不想再學新嘢
一次免費試堂，就愛上了
學左暑假班，妹妹好鍾意
考慮過後，決定學落去
幸運地，第一次參加大型比賽都有點成績
要努力加油俾心機，好大投資嫁。。。
。。。
學識咗踩單車，又多樣嘢玩
。。。
Artemis 今年都好大進步
淨係返學咗再喊，已經感恩了
。。。
兩兄妹動靜皆宜，學好多嘢
常比人笑，周身刀，冇張利
個人認為，上興趣班係玩
係運動，係娛樂，係輕鬆的
點解學咩都要為考試，為比賽，為叻，為贏？
你叻，大把人仲叻
除非真係堅叻，如果唔係，對考中學都沒咩幫助
。。。
天使媽媽唔抗拒比賽同考試
但全部都係老師建議同推薦
仔女想，先會參加
一來不想花錢，二來不想有壓力
天使家奉行愉快學習
學校係，上興趣班都係
。。。
我不需要仔女有好大成就
只希望他們有自己的興趣
有運動，有輕鬆的時間
我就開心
偶爾型一次，俾虛榮呀媽晒下命
夠了
。。。
至於天使媽媽自己
2016也是豐收的一年
。。。
因為精油，令我們家睇小咗醫生
儘管有不同聲音，但我用油的感覺良好
。。。
講左N年
終於的起心肝
Keep住一星期運動三、四日
跳舞亦令我認識咗一班靚太
身心健康，保持年青貌美的靚太
某次跳舞堂後的美味午餐
減肥尚未成功，沒肥落去，已是萬幸
。。。
保持心境平靜，除咗宗教信仰
近來愛上種植，開花結果最興奮
。。。
感恩身邊有愛我的朋友
大家都忙，見面時間不多
在心中
。。。
今年的生日也很開心
可愛的日本小蛋糕
。。。
年度日本聖誕之旅
Tobia Artemis USJ 初體驗
遊記未知幾時出
俾小小相大家睇
發掘了新地方
。。。
表弟表妹大個咗
有得一齊玩
好開心見到你哋照顧同愛錫表弟妹
有同伴一起長大，實在幸福
。。。
2016感恩小分享
Tobia 在學校旅行前一日執行李
話要帶一個食物盒
我單純地以為係用來打包，不浪費食物
原來，Tobia聽人講
嗰個渡假營的咖哩魚蛋好好食
專登買回來俾我食
仲要係一串六粒，冇食過
等返到屋企同我一齊先食
雖然Tobia成日激我
有時候，係好sweet嘅
。。。
學校聖誕 Party
Tobia再次打包俾我
每位同學一件的水果撻都留俾我
仲砌得好靚
一向好為食的Artemis都有咁做
知道我鍾意食士多啤梨，留番俾我
知道我減肥要食沙律，有幾粒栗米
平時有咩都忍吾住食晒的妹妹
相信今次好忍耐
成日話妹妹學晒呀哥D曵嘢
Tobia 終於做到好榜樣
。。。
多謝Tobia 多謝Artemis
知道你哋咁愛錫我，媽媽好開心
希望2017年，大個仔大個女，乖乖地
唔好再迫到我變瘋婦，咁就家庭和睦啦
。。。
最後，多謝一直支持天使家的朋友仔
仔女大咗，私穩高咗
升上小學，大家忙咗
我盡量不想在仔女面前玩手機
在新的一年，我有新的目標
除咗減肥，仲會進修，充實自己
忙碌的日子，應該會更加忙
寫卜十年，係時間淡出
唔使擔心，唔係摺埋，出小d post 啫＿
Oh爸媽一日未踢走我，我依然會寫無聊嘢
大家要繼續支持「天使媽媽的育兒奮戰記」呀
2017年，也請大家多多指教
謝謝觀賞
作者：天使媽媽
相關文章：
【天使媽媽】郵輪上岸篇。沖繩
【天使媽媽】郵輪上岸篇。長崎
【天使媽媽】郵輪上岸篇。上海