日期 | 全年適用 |
突然挑起條癮想去BBQ添!但係帶住小朋友要搵合適嘅地方唔係咁容易。早前見天水圍開咗一個地方有嘢俾小朋友玩,玩完又可以燒埋嘢食。好似好吸引喎!一於向北走走,深入探索呢個親子場地係咪咁正先!
「花花世界兒童樂園」,係呢度喇! 去玩囉!去玩囉!
嘩!超級無敵大彈牀呀!小朋友雙眼即時發晒光!
展開任跳任瀡任撞旅程喇!are you READY???
彈牀真係好大,設有唔同嘅障礙物,不過點撞都唔怕啦!即管去馬~ gogogo~~
小朋友們二話不說已經上晒去三連滑梯度喇!
朗朗同啲同學瀡得勁high,情緒十分之高漲呀!
來來回回不停咁瀡,小朋友真係精力無界限~
到處跑,到處跳,你追我逐~
追我唔到嘅!繼續跑呀!~
晴晴未夠膽瀡大滑梯,唔緊要!瀡住個細嘅先啦!
一樣玩得咁開心!
遇到熊貓family,同佢哋say個Hello先!熊貓bb好得意呀!
玩到索晒氣,挨住熊bear bear唞下先~ 其實媽媽都追到氣咳喇!
椰林樹影,環境幾咁優美~
繼續jump..jump…jump….
捐癃捐隙我至叻!
咦!遠處嘅大笨象似乎仲好玩喎!去囉!去囉!
朗朗已經急不及待爬緊上去喇!
上到去望番落嚟原來咁高㗎?我可唔可以放棄呀?
朗朗你自己瀡啦!We~
好玩呀!跟住就係不停地encore~ 媽媽都係坐埋一邊唞唞先喇!
從高空望落去張超級無敵大彈牀度,果真大!夠晒地方俾小朋友跑跑跳跳,唔怪之得佢哋玩到唔捨得離開~
喪跳完彈牀跟住玩咩好呀?wahaa~