【數學好難?】簡單幾個小玩具 令仔女愉快學數
2017-01-13
對某啲小朋友來講,數學係佢哋嘅死穴。一般小朋友幾分鐘就明白嘅概念,可能佢哋用幾個鐘都係毫無頭緒。最令人擔心嘅係佢哋可能超厭惡數學,完全無動力去學。呢個時候爸媽不用洩氣嘅,與其逼仔女死記硬背,倒不如花啲心機,提起小朋友對數學嘅興趣先!只需幾個簡單嘅小玩具就得。
#1 串珠
串珠好處多多,可以訓練專注力同手指嘅協調能力,亦係一個唔錯嘅算數工具,適合比剛開始學加減數嘅小朋友學算數!
爸媽可以預備繩子同埋珠仔,然後設呌啲題目俾小朋友,等小朋友用串珠仔嘅方法計算該算式!由於形像化咗數學題目,所以小朋友相對會更容易明白同計算!
#2 樽蓋
唔好睇少樽蓋啊,平常飲完嘅膠樽大家千其唔好扔,只要剪低樽蓋位,加以設計,就可以變成好玩嘅手腦並用配對玩具!
家長可以用喺乘數表上,亦可以用喺普通加減數上,等小朋友配對好算式同答案後將樽蓋扭在正確嘅位置上!由於多咗手部嘅活動,所以小朋友都會覺得計算係遊戲,而非沉悶嘅練習!
#3 衣夾與雪條棍
衣夾同雪條棍呢啲木製品都可以成為配搭嘅好玩意㗎!而且仲可以有大量嘅組合!
家長可以喺雪條棍上寫上算式,然後喺衣夾上寫上不同的數字,等小朋友計算好將正確答案夾在雪條棍上。對於年紀再細小小嘅寶寶們,家長可以運用衣夾同卡紙,喺卡紙上畫上代表該數字圖像,然後等仔女用衣夾做出配對!
#4 布
學分數,有咩易明過整個圓形分開做數等分?簡單又容易理解,配搭仲可以包括分數加減添!
家長預備好不同面積相同嘅圓形後,可以將佢地各分成不同等分。然後形像化的教導仔女分數。家長除了簡單教授分數外,更可以將一片1/2、兩片1/4同三片1/6拼埋一齊,等仔女易啲明白約分同擴分!
#5 卡紙+海綿
利用骰子、海綿及卡紙做成樹木不同部分,計算加減最好玩,亦可訓練小手指肌肉。叫小朋友用點算加埋骰子上面的數,或利用顏色海綿球幫助計算,算好就拉出紙條上的答案。
#6 活動紙手
自製活動手掌,像數手指般,是非常有趣的計算遊戲,最適合用來學加減數。
#7 鎖
用寫了數目字的鎖匙及畫了點數的鎖做配對,既可考數學,亦可考手指協調。
資料來源:IDEAS Y Estilo
相關文章:小朋友玩住學數學!