| 日期 | 全年適用 |
26-12-2016 Mon
大丸。big camera。すき焼き
。。。
上回講到，食午餐時發生了一點狀況
表妹唔舒服，嘔吐大作
小朋友忍唔到，我地有準備膠袋，但唔夠用
一餐飯嘔咗幾次，真係唔好意思
好彩座在最角落，服務員好幫手
混亂中，用咗個幾鐘先食完午餐
。。。
午餐後，落樓下玩具部
買咗份玩具安撫唔舒服的表妹，她先行回酒店
我地就帶住表弟周圍玩，表妹可靜靜休息
當年我地鐘意住日航大阪
常常來呢度玩，好懷念啊
。。。
女仕行街
男仕睇手機
Artemis 負責同表弟玩
表弟好乖，好聽話
表姐好盡責，安靜地在kids area 玩
令我地安心舒適地買咗好多嘢
。。。
怕表弟太累，公公婆婆帶表弟返去
我地就去 big camera 玩咭機
Artemis最鐘意玩的アイカツ有新機
舊咭仲玩到，放心
機款轉得好快，唔係點賺錢
呢期最hit係 magic castle
都係果d玩法，拍子機
100 yen一局，每次出一張咭
。。。
年頭最hit的妖怪手表，淨返一部，仲要壞的
梗係轉型啦，Pokemon 每次都玩到五分鐘
即係，人多就有排等
今日沒太多人，玩咗兩局的收穫
D咭硬淨好多靚好多喎
。。。
Big camera 唔止賣電器
玩具部超大，不過仔女已沒興趣
因我唔會買，哈哈
上咗樓上的100 yen店掃貨
好多精品，送比小朋友做手信
。。。
買手機殻團火燃燒中，可惜不合心水
呢個漫畫書款，好得意呢
。。。
回程時，買章魚燒
兩兄妹好幫手
好多人怕d醬，但我超鐘意
。。。
公公婆婆買了玩具車組合
奬勵乖乖合作的表弟
攪咗好耐都唔知點運作
Tobia 組裝好，可以玩了
。。。
題外話
表妹返到酒店仲有嘔，決定帶她睇醫生
酒店服務好好，即刻預約醫生
仲陪住一齊座的士去醫務所，幫手翻譯
醫生話沒發燒，問題不大
沒說咩原因，話表妹因為咳所以嘔
亦沒有藥食，反正食咩飲咩就嘔咩
只好飲寶礦力補充體力
攪咗差不多三個鐘，總算安心點
表妹睇完醫生，好似精神咗
表弟一見到表妹返來，深情擁抱
Twins 的感情，好sweet啊
。。。
大家休息一會後，出發食晚飯
去旅行心情特別好，一塊鏡都有得玩
。。。
晚餐之選，高島屋福壽館
夜晚好full，建議先訂位
傳統日本餐廳，淨係食牛肉
簡單的餐牌，三種煮法，三種價錢
。。。
表弟全程好興奮
表妹就體力未回復
我地估係前一晚食燒肉太油所以嘔囉
。。。
我地叫しゃぶしゃぶ火鍋同すき焼き壽喜燒
呢種係價錢最低的牛肉，已經靚到咁
不敢食太肥，咁樣就好好了
不要期望火鍋好多款式
想叫烏冬比表妹，係冇既
。。。
火鍋清淡
Tobia就愛濃味的壽喜燒
壽喜燒做法
先放肉
再放菜
再放汁，禮成
最後沾蛋汁食，中和咸味
配白飯，yummy
。。。
有專人為大家烹調，不用擔心
坐定定就有得食
Artemis 食得多滋味
。。。
晚飯後，去Muji入貨
難得開到十點的日本舖頭，必去
大人行街，小朋友玩玩玩
Yeah ，表弟努力V
。。。
飯後甜品，donut again
過咗聖誕，變返哂普通款
大家明白，點解我前一晚
係都要來買啦
店員認得我地，每人一頂紀念品
快樂的甜品時間
。。。
剛好碰上 SMAP X SMAP 播映最後一天
我在香港，好有空時會睇嫁
實在不捨
個人認為，結局唔太完美，感覺有遺憾
Anyway ，謝謝SMAP
絶對係我呢個哈日c9，青春回憶中的美好一章
。。。
Tobia Artemis 知我好想睇睇電視，好合作
我有我睇，佢有佢地睇
放假，iPad 解禁，大家高興
有小意外的Day 2，順利結束
Day 3會帶大家去新商場，記得留意啦
謝謝觀賞