| 日期 | 全年適用 |
君品酒店的的裝飾好像充滿神秘感，感覺是mix & match的創新設計風格，都唔知算係傳統、現代、簡約定係華麗風格，反正mix出黎都係好和諧同有美感啦。
首先台北君品酒店係位於位置絕住的台北車站北側，如果坐捷運就由台北車站Y5出口右轉承德路就到啦。而酒店所在地係台鐵、高速鐵路、台北捷運、遲d仲有機場捷運(好似話2017年農曆新年左右的時間會開通)的交通樞紐位置。可以話係4通8達，勁方便。
講返房間啦，一入去房門右側，有個開放式浴缸，不過見到呢個浴缸，真係好好笑。因為如果實際用黎講係會搞到成地都濕哂，而佢嘅洗手盆係比賽細，其實用起上來d水都係會整到周圍濕哂。
佢既mini bar就有杯碟、熱水壼、茶包、coffee、零食、冰箱。
而書枱係同跟洗手盆連埋一齊的，好搞笑的設計，用盡地積比。
呢張床睇起上來都蠻大、蠻舒服的。
我地今次住嘅係豪華客房，37㎡，一張大床(220 x 200cm)，衛浴設施為乾濕分離，而景觀就係街景。價格有其中2日係 NTD$5,895net, 房價已內含15% 服務費及稅金，而另外2日就係NTD$6,955net, 房價已內含15% 服務費及稅金。其實平均就係around HK$1500左右一晚。
不過呢唔包早餐，而早餐都幾貴 NT$780+10% 一個人，所以我地一日都無食到~
其實我最buy既就係有BB床，BB沖涼盆，奶樽消毒器，仲有嬰兒沐浴用品。全部都係免費提供的。
但由於數量有限，需要係訂房個陣就要提前通知他們代為安排。
佢地provide既係SebA呀, 真係唔錯. 同埋如果你唔夠再問佢, 佢都會比你的呀~
最貼心既係唔單止比BB沖涼盆你，仲比埋張櫈仔。我地之前去過5星級的澳門酒店都只係有個BB沖涼盆。當時沖到我條腰痛仲有腳仔都軟埋。君品真係好貼心，深明同BB沖涼張櫈仔係必需的。
仲有就係我之前上網order左博客來的童書，同埋蘭山麵佢地都有代收，而且一check in就送上來房間啦。
呢兩本書好正，住酒店個幾日都係靠呢2本書keep住佢地乖乖地自己坐定定睇呀。
大家有興趣都可以上博客來睇下, 個人很喜歡的2組童書!
呢度成5kg蘭山麵搬返香港…….呵呵!
作者：荔枝孖媽
我和孖寶的Facebook Page: 荔枝與孖寶
我和孖寶的 Instagram IG#: laichimama