| 日期 | 全年適用 |
早前聖誕節假期，同野人短短去咗台北玩4日。其中一個行程去咗圓山站嘅花博爭豔館，因為由12月到2017年2月26日，爭豔館分別有Hello Kitty、POLI、Minions三個主題館玩
我哋冇去Hello Kitty嗰個主題館，因為一來野人對Hello Kitty零興趣，二來其實同香港之前搞嗰個係一樣，我喺香港嗰時都已經「掉低」野人玩過一次，所以冇必要再去 😛
POLI同Minions主題館玩嘅嘢其實同香港玩嗰D主題館差唔多，都係有跳彈床、小型機動遊戲、攤位遊戲同埋超多影相位，不過就真係抵玩過香港好多!!!!!!!!!!!以玩跳彈床為例，香港玩一節只有4、5分鐘嘅彈床，都要$50～$60不等；但呢兩個主題館入面就只需大約港幣$20，就可以跳足30分鐘，真係超值！！！！！
3個主題館之外，其實重點想介紹今次無啦啦發現原來花博爭豔館隔離有個市集！！！市集有小店行，亦有好多間蚊型食店組成嘅一個類似FOOD COURT，另外仲有3、4間餐廳。
至於最最最最最想講嘅。。。原來嗰度有得租電動車玩！！！點解要講？因為車款多選擇，揸車範圍可以遍及整個花博公園，而且價錢真係平到呢～～～野人話喺花博公園揸車好玩過以玩電動車為主而深受香港家長歡迎嘅「蘭城晶英酒店」！！！ 😛
如果大家帶小朋友去台北旅行，絕對可考慮下去圓山站嘅花博公園玩一轉 🙂
作者：3B孖媽