【仙妮】預備「我們仨」第一個情人節！

今年2月14日，會係我家有了丘BB之後嘅第一個「我們仨」情人節，自從生咗BB之後，好多時同老公都掛住照顧丘BB，無咩時間傾計，所以我決定將丘BB出世後嘅生活小確幸記低，整理一個溫馨記錄再整一張心意卡，到時情人節要製造一個Surprise俾老公同丘BB。

但電話記憶體已經爆炸咗十幾次，真係人都癲！！好彩有部Canon EOS M3，趁新年就可以將更多sweet moments影低。

丘BB嘅第一個年初一，要同爹哋襯晒色咁去拜年！

爹哋湊女方法！？！？ 有相為證！

丘BB：乞…乞…乞嗤！！！！好彩有連環快拍，連打乞嗤都捕捉到！哈哈哈…

BB實行Baby Led Wean (BLW)，平時都要食啲麵包吸收吓澱粉質～ 依家丘BB已經學識自己地下坐定定食嘢，用M3影相，可以反個Mon出嚟，我就唔駛烏低身咁辛苦都影到佢嘅為食樣！

雖然見唔到爹哋個樣，但係爹哋就係嗰個用咗好多愛去煮咗全枱豐富晚餐嘅大廚喇！甜~~~

一家人去林村許願，我嘅願望就係一家人健康幸福！我同丘BB個笑容係一樣架！

全家福，影多幾多張都唔嫌多！

影咗一大堆相，我就開始著手準備情人節驚喜喇！揀好咗張相，用Wi-Fi連部M3落SELPHY打印機，喺屋企湊住BB都可以好簡單隨時印到相～張卡滿載住我們仨嘅回憶同我嘅心意，物輕情意重～

同小情人綵排嘅特備節目～
除咗心意卡，我都準備喺情人節當日整一個小甜品俾老公食～依家就預先綵排，俾為食嘅丘BB試下先！

丘BB：好嘢～ 夜晚爹哋媽咪做咗個sweet sweet甜品比我呢個小情人食呀！由於我未夠一歲未食得蛋白，所以只用蛋黃做～

《極簡易BB奶燉蛋》
材料： 配方奶 30ml、 蛋黃 1隻、生果少量
過程：
1) 將材料混合打混

2) 倒入碗仔，隔水蒸8至10分鐘
3) 加少少新鮮生果做裝飾

～完～（簡單到偷笑）

BB真係好心急想食呀～～

丘BB：阿媽自拍嘅時候我已經忍唔住喇～哇哈哈～完全捕捉到我心急嘅程度!!
好彩部相機夠輕，我一手扶住丘BB，一手攞住自拍都無問題。

終於有得食！

丘BB愈大愈冇時停，想好好地影張相都難，呢排用番相機真係爽～ 影相又靚D、又有快拍、又可以好方便咁從唔同角度捕捉BB 嘅曳樣，影到正嘢用Wi-Fi過落電話同其他朋友happy share～正呀～

如果你都諗緊情人節送咩禮物俾大小情人，可以考慮下好似我咁重拾相機影番多啲靚相～依家買 白色EOS M3仲送一個出面賣二百六十幾蚊嘅Le Crecuset 陶瓷心形小鍋子！ 就係我用嚟整燉蛋嗰個！有興趣可以去Canon個網睇下：Canon EOS M3

哈哈～情人節又多一個買嘢嘅理由喇～Yeah~~