【大仁生活】親子「大阪燒」齊自己動手整餅
2017-02-04
多年前曾經試過一次去日本自己造「大阪燒」； 不過，我連公仔麵都可以煮得爛，「大阪燒」當然是失敗，最後要由講普通話的女店員幫手完成。
最近「大阪燒」店走來香港開店，有得玩當然第一時間約埋好朋友悅悅一家齊齊慢慢燒啦！
電話訂枱服務一早爆滿，唯有18:00親自到店前拿籌等位……..不過，原來全店只有2張6人枱，結果我們一等便等了一小時。 (這裡沒有進餐時限)
甫一入坐，SY已大叫：「好熱呀！」 因為燒爐要作長期預備，所以店內真的暖笠笠。
因為很怕「文字燒」的濕濕笠笠，而今晚最飽肚的「廣島燒」又欠奉，所以我們點了最多配菜的「道頓崛豪華 7 品御好燒」， 蔬菜、雞蛋、海鮮和豬肉等 7 款配料， 二人份($98)。
店員很細心問：「你想我哋幫你燒，定你自己燒？」 我答：「你燒一個， 之後我哋自己學啦……」
原來,，開業前三位員工被送到日本學習「整燒餅」70日，他說：「其實集中去學嘅話， 3日就可以學得識。」(咁我哋學得幾分鐘……咪好易燒到一Pat嘢？)