【小肥子星球】超簡單手作:自製小型賽車場
2017-03-01
家中車仔給小肥周圍放,沙發底櫃底浴室睡房總有一處都發現它們的蹤跡…..我們一個不留神就會踩波車傷及無辜的腳板底
既然世界各地精英齊集,就同小肥來個小型賽車比賽吧!至少他會將所有車仔找回而且又唔會多一「嚿」玩具唔知玩完可以放喺邊。
材料好簡單,只需要膠紙及marker 筆就可以整一條賽道喇!
首先當然要一條比賽終點線啦!黐好膠紙,喺膠紙上畫黑色格仔就可以,再嚟喺膠紙上畫個起點車位。
完成喇!
賽道唔一定係凳或枱,地下都一樣可以做到同樣效果!
好啦,而家所有車手準備就緒,準備比賽喇~