【漫柑遊】又換季 - $40以下深水埗抵著家居服推介
2017-02-21
相信大家都知道深水埗買野特別平, 尤其小朋友衫就更抵買。
由柑B細細個開始, 我已經會去深水埗買家居服比佢 ~
不過花多眼亂, 今次縱橫深水埗十幾年嘅我就同大家介紹其中三間必去檔口, 大家就不用瞎摸摸買貴左!
(因為$$都差距好大, 同一套衫最平 $20, 最貴可以 $59)
- 最便宜
我敢講尼檔真係平絕深水埗, 無論衫定褲都只係$10/件, 買一套只需$20
不過檔主比較有性格, 中意將D 貨放到亂七八糟, 明明好好一套套裝拆出黎又要好似牛郎織女咁分開黎賣XD
我光顧左3年都無加過價, 只係 $10/件
尼D毛毛褲我樓下賣$22, 尼度只係$10
背心$10
大家想買D咩, 可以客氣地問店主, 佢會即時開好多新貨比你睇 ~(如果佢得閒的話XD)
地圖:
- 價格合理, 貨品整齊
如果你真係唔想翻來翻去, 就可以直接去尼間。
一套 @$25-35 (SIZE 愈大就愈貴)
雖然貴少少, 不過就好整齊, 老闆亦好友善
尼間就款式唔多, 不過如果只要買家居服都絕對可以滿足到你要求!
尼套$30 (我附近D街市賣$59)
地圖:
- 最齊全
尼間就最大檔, 而且價格合理。
雖然D人串串地嘅, 不過只要唔手多多又或者問題多多就完全OK ~ (eg: 有d人中意拆人地d衣架又或者放亂人地d野就一定比人話XD)
尼套毛毛睡衣, 先$38
毛毛背心$20
厚外套$38
地圖: 尼間同第2間差不多位置, 行前少少就見到~
小提示: 如果你好似我咁有品味但無眼力, 成日買錯SIZE, 建議大家可以拎一套小朋友合身的衣服去, 買之前比一比先買~ 咁就唔怕買錯SIZE 啦~
另外也有媽媽問及質量問題, 如果平日也有在小店舖/街市買開家居服, 基本上都是差不多質量。
但如果平日都穿開大品牌的話, 大家可以先買1,2件試下, 第一次著可以加長袖純棉底衫。
挑選時大家亦可以用手摸下, 感覺下先, 盡量唔好買紅色同深色~
作者：漫柑遊．柑柑媽與柑 BB
facebook page： 漫柑遊．柑柑媽與柑 BB