【爸媽要注意】帽繩隨時成殺孩子凶器
2017-02-23
夏天好快又到，小朋友到公園玩時，爸媽都會給他們載番頂帽遮下紫外線。原來外國的學校都有咁做，更每位學生有頂校帽，方便他們在學校操場玩唔會被曬親。
但想唔到，本來保護小朋友的帽，居然成為凶器。
點解咁講？
話說6歲的澳洲小學生Marley，戴住媽咪一天前買給她的校帽，小息在學校操場瀡滑梯，瀡到最後一次準備要上堂時，點知頂帽被卡住咗，但人就向下滑，結果用來固定校帽的帽繩，就成為勒頸繩。
當時Marley（下圖右）的好朋友Madison（下圖左），已除即行落滑梯，想幫好朋友解開條帽繩的扣，但個扣太緊，解極解唔到。見朋友非常辛苦，快被勒死，Madison即時跑去搵校醫，把纏住朋友的繩弄斷，並通知家長。
Marley的媽咪Gail（下圖）回憶話：「當時醫生打嚟話，若遲咗發現，超過45秒，女兒的氣管可能被勒斷。又或，有其他小朋友跟隨女兒其後瀡下去，女兒條頸更有機會斷。」
後來，Gail（發現女兒的意外非單一事件，好多家長都遇過，故她呼籲政府，規定校帽不要再有帽繩或繩扣；就算有繩扣，都要能解開的。她解釋：「感恩今次出事後，我們還能帶女兒回家，但很難說不會有一天，家長在家接到電話時說小朋友已被勒斃了。」
聽到這裏，爸媽若然夏天給女兒戴帽去公園玩，而頂帽又有帽繩的話，真係要好小心睇住；又或條繩綁鬆少少，並檢查繩扣有無問題，以免發生意外。
影片：https://www.facebook.com/9NewsAdelaide/videos/1664458677191428/
相片及資料來源：www.popsugar.com/9news