【生娘不及養娘大】張慧儀:養子不是負累,叫我學習何謂真愛
張慧儀最為人熟悉的角色,一定是《真情》中的賢良淑德的「彩瑤」,然而現實中她沒遇上愛她的「阿海」,卻收養了一名患有先天性心臟病的孩子Hanson,且對他不離不棄,領悟到愛的真諦。
從大馬到港發展的張慧儀被傳媒喻為美魔女之一。
分開為了走更遠的路
近年,張慧儀回歸香港電視圈,最近正在忙於拍攝大台電視劇《深宮計》。患有先天性心臟病的養子Hanson,將來可能要花過百萬做第二次心臟手術,慧儀為籌手術費,自己在內地及香港兩邊搵銀,並已送養子去大馬交由公公婆婆照顧。母子分隔兩地,直言非常掛念對方。
慧儀說:「有時候我要返內地做嘢,現在又喺TVB拍劇,冇人幫我睇佢,俾工人湊我真係唔放心。我問仔仔,你想俾邊個照顧?佢話我去馬來西亞啦,嗰度有公公婆婆,係我哋嘅屋企。」由於身體問題,Hanson過一、兩年需要做手術,所以慧儀決定要儲多啲彈藥,因為佢相信兩母子嘅路仲有好長,佢哋日日視訊見面。
Hanson患有先天性心臟病。
真愛超越血緣關係
原來好多年前,張慧儀遭未婚夫家暴,外貌娟好的她,一心尋找如意郎君,未料卻遇到「衰人」,加上隻身來港發展,事業卻未有如日中天,在抵受不到愛情與事業的失意沉重打擊,心情低落下退出娛樂圈,遠走內地從商。
在人生最低潮的時候,慧儀遇上養子Hanson,更表示是兒子讓她可以重生,看見了真愛。「最初我沒有告訴父母,後來他們知道了,不能理解我的做法,認為我一個女人帶住個養仔,好難搵到好人家。其實喺呢十年,我因為要照顧阿仔,只能夠喺暑假返去探佢哋,都好內疚。」直到近年,父母與Hanson增加相處機會,兩老了解到他是個可愛的孩子,見到女兒全心全意照顧養子,明白到佢嘅用心。現在婆婆天天送Hanson上學,好不溫暖。
Hanson是張慧儀心中的寶貝。兩母子都深愛對方,每日透過視訊聯繫感情。
其實,起初亦有不少朋友都覺得慧儀是一時衝動,但她卻表示:「佢一見到我就叫我媽咪,好sweet,這是很個人的感覺。後來咁啱領養者突然放棄領養佢,就俾我收養。咁多年嚟,我盡量一手一腳照顧佢。我愛佢嘅同時,佢更愛我。小朋友俾到我嘅愛,係無人可以取代到。」
阿仔教我認識愛情
養母其實也是親親我好媽,只是她並非虎媽,Hanson到底有幾乖?慧儀笑咪咪的說:「夜晚起身去洗手間,我必定去望一望佢、錫啖佢額頭先再瞓,之後有日佢就學我,望完我同錫我一啖。有時食飯,我煮餸俾阿仔食,自己就食番上一餐留低嘅餸,但佢叫我食啲新鮮餸,食飽飯佢又會主動洗碗,好冧!」
為了Hanson,報導說張慧儀曾經捨棄了兩段愛情,她則不以為意。「我不認為自己為佢犧牲咗乜嘢,反而可能係佢幫咗我。如果愛情係真實嘅,就會經得起考驗,也能包容我們彼此嘅孩子。既然唔得,亦無謂勉強。」
張慧儀說她從阿仔身上學到愛的真諦。
一直全心照顧患有先天性心臟病的養子,深明作為病童父母,一定要保持積極樂觀的心態。佢語重心長說:「就算小朋友有缺憾,唔好睇成世界末日,應該用心發掘他們的天分、興趣,支持他們繼續發展,唔好只睇到佢哋嘅不足。」
為了養子,張慧儀很努力賺錢。
撰文:吳一心
圖片由被訪者提供