【天使媽媽】Hea遊大阪。Day 3 II。Playroom 放電

Grand Front Osaka呢個商場好大
特色係，每間店舖都好大，有排行

大人shopping ，最好就梗係比小朋友玩住等
是日重點節目，就係去playroom 放電

呢度係一間玩具店

日本可愛之處，可以試玩
玩具仲要唔係爛哂同冇電
唔駛同人爭，大部份小朋友都會禮讓

。。。

入面有個大playroom ，收費唔算貴

每日有不同活動

入場前可先睇下地圖，看看啱唔啱心水

。。。

來到就梗係要入來玩
四寶未走散前，先集合影張相先

放假期間，比較多人
採取人釘人戰術

Tobia負責睇表弟

主要負責表弟人生安全

。。。

Artemis 就睇表妹

但佢始乎令表妹處於更危險的狀態～
小心D呀

。。。

呢度比較適合初小生

Tobia 沒大興趣
但都肯陪玩，讚賞

。。。

Artemis 就high 爆
除咗玩具，仲有比較歷奇的玩意

。。。

當中最受歡迎，就係呢個
我命名為「哈囉太郎碌碌」

一入左去，自動上身變倉鼠

不自覺地碌呀碌，碌呀碌

睇見都頭暈
佢地超鐘意，玩咗好多次

。。。

好開心見到Tobia Artemis 會照顧表弟表妹

努力做好呢份工，冇hea做

有同伴一起成長是幸福的
要珍惜，相親相愛呀

。。。

玩樂後的大合照，yeah 

。。。

肚餓了，下午茶時間
發現一間好特別的餐廳
旁邊有車賣，仲有精品店

汽車品牌小手袋，好可愛

Bear bear 都有

。。。

坐在名車旁邊享用下午茶
好舒適的環境

。。。

正當大家高高興興食杯茶食個包之際
忽然，出現突發情況
亦係我們今次旅程，難忘體驗的開始

坐坐下，表弟話肚痛，然後就嘔吐大作
以為係玩「哈囉太郎碌碌」轉得勁得濟
轉到嘔

但好快就知唔關事，因為沒玩的＋2都開始嘔
同表妹之前的情況相似，話嘔就嘔

即刻返酒店休息，好彩路程唔算遠
沿途用哂所有自備的膠袋，情況嚴峻

。。。

表弟表妹返酒店休息
我地就去便利店買膠袋，買咗好多嘢
補充水份的寶x力，濕紙巾，以備不時之需

。。。

之後去高島屋買麵包
新年食品好吸引

呢間麵包店，專賣迷你包，香港都有
日本種類多d

。。。

安頓好，休息一會，出去晚飯
我好愛的大阪燒

可惜今回，食之無味
Tobia一入到餐廳就就嘔，今次大煲了
竟然同表妹不算親密的Tobia都中招
一係隻細菌好勁，一係全團人都食錯嘢

當時，我已經有點不舒服
感覺到想嘔，咩都食唔落
只想快d返酒店

。。。

浪費了美味的大阪燒，沒胃口，食唔落

。。。

返到酒店，我都發病了
不過唔似表弟表妹不停嘔
嘔咗兩，三次，已經沒咩貨，好返小小

。。。

Tobia 一早上床休息，但會常常醒，因為要嘔
擺定幾個膠袋在床邊，好彩他身手矯捷
每次都趕得切，冇整dirty張床

就算酒店肯換，我地都冇力行埋一邊等
飲水都嘔，真係手腳乏力，虛脫一樣

。。。

精神爽利的Artemis話肚餓
明白既，頭先食咗好小就拿拿臨走人

第一次在日本酒店叫 room service 

。。。

不敢太油，清清地

生病食烏冬

口淡淡食水果

Artemis 食得好高興
我仲心諗，妹妹勁喎，竟然冇事

點知，就出事了
Artemis 身體強壯，差不多最遲先發病
凌晨12點開始不停嘔
個個情況一樣，食咩嘔咩

我以為自己冇咩事，加上肚空空
陪食宵夜後，又嘔

總之，成晚冇乜得訓
呢個嘔完到果個嘔

。。。

感恩的是，Tobia Artemis 辛苦得來沒扭計
自理能力訓練有素，自行用膠袋處理
張床保持到清潔，實在萬幸

。。。

全團人都中招，淨係男士沒事
表妹第一個發，睇左醫生，但沒藥食
見到她病發後24小時左右，嘔清就精神爽利
所以我們都不太擔心，只係默默地等

。。。

第三天的晚上
就係在洗手間同大床不停穿梭
天光都未有好好訓過

記憶中，好似第一次在日本旅行時生病
特此記錄

謝謝大家觀賞呢篇恐怖文
希望你地唔係食緊飯啦

作者：天使媽媽