【天使媽媽】Hea遊大阪。Day 4。酒店休息

28-12-2016 Wed  Day 4

經歷左痛苦的一晚
Tobia Artemis 嘔左成晚
粗略估計，每人嘔十次以上
成晚冇得訓，差不多天光先訓得著

個個都病到到cc下
食咩飲咩就嘔咩，變相絕食，四肢乏力
決定全部人在酒店休息

本來的計劃被打亂了，健康要緊
幸運地係旅程中段發病
養足精神，之後仲有時間玩

至於咩成因，導致全部人嘔
我地估計係第一餐燒肉
餐廳的食物夾，沒有生熟之分
我地已經醒目，用木筷子夾燒好的食物
但始終係高風險的一餐，可能咁樣就中招啦

病發時間人人不同，根據體質掛
表妹第一個嘔，睇左醫生，淨係話因為咳而嘔
當然吾係咁簡單，吾係人人都咳
但見嘔完24小時就冇事，就不深究了

呀Q地諗，嘔完除左清腸胃，輕左兩磅之外
四位小朋友之前全部有d咳，所有痰都清哂
算係有點得著啦，哈！哈！

。。。

朝早沒氣力，但必須要執房，衛生情況不佳
成間酒店客房都係膠袋，垃圾桶爆滿

好辛苦行到落樓下，是但揾間餐廳

清清地食烏冬
不過Tobia Artemis 都食吾落

麵都吾想食

。。。

怕未執完房，過隔離書店逛逛

我都有家計簿，不過係手機版
寫吾足，準確度不高，有時用左錢但忘了寫

。。。

只此一次的2017雞年display，特此留影

。。。

妹妹買了一本塗顏色

買左幾本小朋友雜誌
女孩子Non-no，同大人一樣會送包包

。。。

實在太累，返酒店，但未執好房
因為出左去吾夠一個鐘

唯有在lobby coffee shop 等
呢個時候，iPad 係有用既

點都叫下嘢食
鬆餅好美味
天使c9冇咩事了，有胃口食甜點

。。。

可憐的兩兄妹，冇哂電
停左沒嘔，但有陰影，擺定個膠袋

。。。

望穿秋水，終於可以攤返在床
亮點，仲有膠袋，以防萬一

整個下午都在睡覺，好彩訓得到

。。。

Hea左一日，天使c9按捺不住
始終在日本，心野好想出街
加上自己康復得七七八八，決定快速落街行一轉

。。。

先去酒店對面0101
我買野出名快手，鎖定目標， 合心水即買

手機套，依舊沒心頭好

。。。

港人最愛，激安之殿堂
睇多過買，真係好多得意產品，價錢又吾貴

紙皮箱咁大的軟糖

細細過好愛的糖
但食完蓋吾返，肯定跌哂出來

1000 yen，買個樽都抵

章魚丸味點心麵

呢度買平好多

清酒 KitKat，yummy

旅行團導遊必sell

咩味都有

買一袋，有排玩
有咩人會買？

朱古力薯片，買左

知育果子玩具，玩完不敢食
其實吾食好過食，呀囡話想食你仲驚

妹妹大愛的 e-ma糖
好多款式呢

(^◇^;)

買左小小食物
記得退稅喎

。。。

好耐冇試過自己夜晚行街

。。。

高島屋買晚餐
差不多關門，減價時間，花多眼亂

最重要係白飯，買了咖哩

。。。

開餐，仲叫左Room Service 
餓左24小時，一來就掛住食，忘了影相

。。。

快樂的電視送飯
新年4小時特別節目

節目內容，總共有四間餐廳
要估中每間餐廳，頭十位最受歡迎的菜式

重點，揀左咩菜式，要食左，先開估
吾中，再食，再估
估中哂先有得收工，好似玩到凌晨

好無聊但好睇，我諗我地睇足兩個幾鐘
感受到日本藝人的堅毅同耐力

。。。

最後，小小的生日蛋糕
作為今天的句號

希望人人身體健康，開心幸福

食飽，睡覺
全部人都沒再嘔了

休息左一日，抖足精神
聽日大玩特玩

作者：天使媽媽