【小小豬】預防舒緩傷風感冒葱白生薑茶
2017-03-27
依個星期又嚟天氣過山車,一早一夜都真係有幾大相差,不幸地我又中招了,有點點作感冒病徵。原來都打算趁早早地飲啲感冒打底湯,不過好友就介紹左我一個民間秘方,只係用生薑加上葱白一齊煮,可加強預防或舒緩傷風感冒不適。剛好今晚都打算蒸魚,屋企都有齊材料,所以就嚟試下依個秘方啦!
點解小小豬都有飲?因為我見佢都有少少流鼻水,為左安全都俾半杯佢飲,做個少少預防。其實入口味道又真係冇乜特別,就似有少少甜味嘅水,可能我舊薑就老左少少,所以飲落有點辣辣地嘅感覺,不過個感覺就好快散了!
小小豬流鼻水又好似少左啲啲,唔知關唔關事呢?不過我飲完之後就去左小睡休息,瞓醒之後又真係好似鬆左少少,有返啲精神又可以照顧小小豬了。作為全職傻媽真係唔可以病,因為一病左就要病住嚟照顧小小豬,真係好辛苦呀!
溫馨提示: 葱白生薑茶對風寒或體質偏寒的朋友尤其有效,如是風熱或體質偏燥熱的朋友則不宜飲用。由於個別人仕體質不同,所以大家記得煲之前了解下自己,如有疑問,請先向註冊中醫查詢!
小小豬的其他湯水:
作者:小小豬的成長日誌