【阿豬媽】Share 啦──談幼兒分享
2017-03-24
幼兒正值自我意識發展階段，要教分享談何容易。家長教導孩子時，請「不要」：
1）
強迫分享
e.g. 你係哥哥嚟，你要share
2）直接強烈鼓勵分享
e.g. 同我share好唔好呀？好啦，好啦
3）進行比較
e.g. 你睇下，姐姐都識share，好叻呀，你呢？
4）試探他們
e.g. 請我食好唔好呀……咦你真係請呀？多謝你呀不過我唔要喇
5）反應過大
e.g. 你識share呀！好叻叻呀（拍晒手）
6）奚落
e.g. 你都唔share，咁孤寒嘅
7）條件交換
e.g. 你俾車車細佬，我就請你食糖 （那是交易，不是分享）
相信所有家長都會驚歎過「都冇人教佢，唔知邊度學識嘅」，那就是蒙特梭利博士所說的吸收性心智（absorbent mind)。在環境中發生的事情，幼兒都會不由自主的入腦，這也是他們最有效的學習方法。以上正面或非正面的口頭教導，效果不單較弱，對著自我意識高或愈叫愈唔做的倔強型孩子時，只會適得其反。再者，這些煞有介事的鼓勵，從沒提過為何要分享，只一味推他去放棄手上的東西。
甚麼是用環境教導？就是榜樣呀。
大人之間的快樂分享，孩子看在眼裏。記著，榜樣就是單單地做榜樣，做完就算，不用急著叫孩子跟著做。若擔心孩子不明白，那就「打開口牌」吧，即是「我都好鐘意食蛋糕㗎，我知你都好鐘意，不如我地分享吖」，「你同我分享，我好開心呀」，「我都好開心呀，我地一齊食到呢個好味蛋糕」。
若時機成熟，你也可試試友善地建議孩子分享。開始時，由近至遠，由小至大。就是，從熟悉的人開始，也由最無關痛癢的東西開始。（你也不會一下子向陌生人借出名牌手袋吧）若孩子不願意，那就算了。
看繪本和玩角色扮演都是有效的教導方法。但任何方法，都比不上家中有愛分享的家長來得有效。
–阿豬媽
作者: 湊仔爸與返工媽