| 日期 | 全年適用 |
到宜蘭旅遊，想親身感受一下當地人嘅生活，揀選住民宿係不二之選。但係呢度民宿多達1500家，每家都各有特色，風格不同，亦有唔同主題，點揀好呀？話明係親子遊當然會揀番親子民宿啦！跟貼啲，跟住我哋嚟啦！
「宜人生活」，好明顯係講緊宜蘭人嘅生活啦！位置喺宜蘭縣冬山鄉境內~
屋子被一大片農田包圍住，景色怡人，好舒服喔~
睇下啲稻米插得幾整齊？做農夫認真唔容易呀！
晴朗已經被屋外嘅搖搖櫈吸引住，正玩得興起~
喂喂！兩個唔好玩喇！快啲入屋睇下啦！
一入到去，就見到好大隻比卡超喇！莫非佢要為我哋做登記？
Hello! Hello! 比卡超你好呀！
原來客廳呢邊都有比卡超呀！仲有好多minions添！嘩！~
全部都係晴朗喜歡嘅卡通人物，兩個玩公仔都玩上好一陣子喇！
咁多公主裙嘅？一定可以討女孩子歡心！可惜冇大人款啦！我都想做皇后呀！
廚房大而且整齊企理，職員聽朝就會響呢度為我哋煮早餐㗎喇！
飯廳嘅三角形餐枱襯埋古典嘅天花燈，十分有「家」嘅感覺，好溫暖喔~