【Saron】大名鼎鼎的The Grand Buffet 自助山
2017-04-26
終於試到鼎鼎大名的The Grand Buffet 自助山啦!好開心呢個brunch比想像中還要好食多選擇,而呢個360度嘅維港景色真係不可多得,對於強哥呢個老外更特別impressed ,又鍾意香港多一點啦!
呢個Sunday Brunch真的超水準,首先有果汁香檳任飲已經唔係好多地方有,小朋友又開心大朋友又開心呢!
多數嘅brunch都會比dinner少好多食物選擇,但呢個brunch又有生蠔長腳蟹麵包蟹鵝肝,真係比brunch嘅價錢就可以食到dinner嘅must have items 😍
嚟之前仲以為旋轉餐廳沒有甚麼特別,但卻係比我所想好玩同吸引,因為三個鐘內餐廳慢慢的旋轉真的令我哋可以有機會enjoy不同角度嘅維港景色好幾次,而且仲好好玩地發現「嘩!個海鮮bar點解唔見咗?變咗天婦羅BBQ section 嘅?哈哈」
好欣賞餐廳嘅細心,好照顧到唔同area 嘅食物,點心、刺身、海鮮、甜品、芝士、沙律和中菜都每款有好多選擇,其中刺身有原粒帶子是的確令我好感動呢!😍
大金毛力推炒雪糕和即牛,而小金毛就最愛雞蛋仔和棉花糖,感謝濤哥瞓足全場等我可以好好享受呢!
下次要再嚟試下晚餐,夜景一定別有一番美啊!
作者:Saron