【湊仔爸與返工媽】否定傷痛 比傷痛本身更具殺傷力
2017-05-09
孩子跌倒,大哭,尋求安撫。家長最經常的對白是「冇事冇事,唔緊要,自己起身啦」,希望孩子能自強。
想像一下,你在街上不小心仆到,雖沒大礙但實在有點痛。最親密的人就在你身邊,只一動不動的站著說:「冇事嘅,你起身啦。」感覺如何?若身邊人俯身親切地問你一句:「點呀你?」你可能反而會自己說:「冇嘢冇嘢。」
只有當事人才有資格說自己有沒有事。
阿豬媽當然明白,孩子很多時跌倒後的七情上面,實在值得獲頒一個金像奬。可是,為何孩子明明能自己起來,都要唧眼淚來引起家長注意?若孩子表現得軟弱,我們要處理的是背後原因,而不是不斷否定他的軟弱。
一個人堅強,是因為他內心札實,自信自知,而不是靠人家的否定培養而成的。家長像口頭蟬般的「冇事冇事」,實在不能令孩子更堅強,只會令他覺得不被接納。
有一次,阿豬在公園的石壆上行走,因四週張望而失足跌倒。沒有受傷,但哭了一會,不肯再玩。於是,我建議阿豬坐在我身旁休息,並上演了以下一幕:
媽:「爸爸,其實頭先點解會跌落嚟呀?」
爸:「好似係掛住望,冇睇路呀。」
媽:「原來係咁,咁再行嘅時候,應該點呢?」
爸:「等我試下先!」
於是,阿豬爸上了石壆,小心翼翼向前行,並示範睇風景時要企定定,睇完再專心睇路向前行。阿豬媽就在旁不斷「哦~原來係咁~」。
未幾,阿豬就收拾心情,主動自行上壆,模倣阿豬爸的小心翼翼,並邊說邊示範「企定定睇完先至行」,非常得戚。
孩子得到充份安撫後,就準備好重新振作。而安撫,並不是「冇事冇事,再試下啦,唔使喊!」
有些孩子需要陪伴才安心;
有些孩子需要觀察才安心;
有些孩子需要檢討才安心;
有些孩子需要父母親身試驗才安心;
否定傷痛,比傷痛本身更具殺傷力。
對身體或心靈受創的人來說,一個關切的眼神,幾分鐘安靜的陪伴,比一句「冇事冇事」來得更有建設性。
作者:阿豬媽@湊仔爸與返工媽
其他文章: