【小小豬】椰子三豆湯
2017-05-29
原本想買粒印度椰子嚟煲湯,不過小店老闆娘就推介我煲另一個椰子湯,佢話依個椰子三豆素湯好啱依家飲,因為天氣仍係潮濕,好容易使人產生疲倦嗜睡嘅感覺。所以依個湯就可以有祛濕之餘,加埋椰子一齊煲仰可以止咳化痰添。
其實初時我都有少少保留,因為小小豬最唔鍾意飲豆味重嘅湯,次次煲佢都唔肯飲,不過老闆娘話依個配搭煲出嚟完全冇豆味,入口就似雞湯,佢個孫仔都好鍾意飲。既然佢強力介紹,加上我又係一名椰子控,所以就買一份材料試下啦!
馬來西亞椰子一個、赤豆4兩、眉豆4兩、鷹咀豆4兩、蜜棗3粒~
今次用嘅係馬來西亞椰子,老闆娘話喺椰子類嚟講係最有益嘅一種,對止咳化痰、脾胃倦怠同埋食欲不振都有功效。唔識開椰子唔使驚,因為老闆娘都好樂意幫你開。透明包嘅就係椰子内嘅椰子汁,加以加埋落去一齊煲湯呀~
我都係第一次聽鷹嘴豆,原來佢含有極高營養,有豐富的蛋白質,而且係消化不良、身體瘦弱、皮膚病等均有良好效果~
眉豆就有適量的碳水化合物及多種維生素,有助補充機體的營養成分同埋提高免疫力~
椰子洗淨切條,佢嘅質地同印度椰子差唔多,所以都好容易難切成條嘅~
坦白講,雖然老闆娘話冇豆味,不過煲嘅時候唔多唔少都有啲擔心,始終我煲湯最主要目的係為俾小小豬飲,佢唔飲都真係浪費晒我嘅心機同埋媒氣費(哈哈哈…一煲要煲兩個幾鐘,都係勁呀)。
不過好在依個湯豆味又真係唔算重,帶有小小肉嘅味道,又有點點椰子香味,所以小小豬鍾意飲呀!
溫馨提示:
由於個別人士體質不同,所以大家記得煲之前了解下自己,如有疑問,請先向註冊中醫查詢!
作者:小小豬的成長日誌
小小豬的其他湯水: