×

Home

 

廿四孝熱話文章打印

來自網址: http://www.ohpama.com/?p=192227

June 8, 2017

【免費入場】元朗區首個全新開幕兒童遊戲室 親子好去處

元朗體育館位於元朗馬田路52號元朗文化康樂大樓3樓及4樓,2017年6月 6 日正式啟用。體育館內設有兒童遊戲室、元朗區嘅係爸媽們以後又多個同小朋友玩樂免費好去處。

呢個遊戲室以糖果設計為主題,當中亦加入咗唔小元朗特色嘅元素: 包括輕鐵,祠堂,元朗百鳥塔等都變身成Q版可愛嘅圖像,令大家可以了解元朗多一點。

元朗兒童遊戲室面積約160平方米,相比起其他康文署室嘅遊戲室來講係面積細了一點。我地今日差不多6點去到,真係大排長龍了。


兒童遊戲室係有分唔同時間場次進入,係需要預先拎號碼牌,額滿就要等下一場啦,當日我地問過場場都係爆滿呀,職員同我地講可以入到場玩嘅朋友都係提前最小2小時來排隊的呢。而且係按人頭派號碼牌,1人拎1張,唔可以代拎。其實咁樣亦係確保大家都可以公平咁享用政府提供嘅免費設施。