【小周董世界】改善小朋友W坐姿的5種方法

2017-06-13


小周董由歲幾開始,我就開始留意到佢坐姿仲係怪怪的,佢經常以W坐姿坐著,初時我都無為意,亦覺得唔係咩大問題,所以都不多理會。

直至到佢2歲,我開始覺得佢己經將呢個坐姿習慣成自然,每次只要坐地下玩,佢都習慣以呢種W坐姿長期坐著,身邊亦都有朋友留意到呢個問題,同我講咁樣坐對小朋友唔係咁好,會影響小朋友日後成長!!!! (吓….乜原來會咁大件事架咩 =.=”’ )

我即刻上網做下RESEARCH啦~ 原來唔只小周董好多小朋友都鍾意用呢種W坐姿,係因為BB力氣不足,咁樣坐,支撐的底面積比較寬,身體不需要出力,而且會坐的比較穩,小朋友就會覺得咁坐係最舒服。但原來咁樣的坐姿可能對小朋友往後的發展有影響…….仲好容易造成骨骼變形添!!

上網就搵到W坐姿的害處俾大家作個參考:「W型坐姿」是非常傷害髖關節的一種姿勢,當雙腳往外張開坐下時,大腿骨會過度的向內旋轉,內側的肌肉過度緊縮,外側的肌肉會被拉扯,且會對髖關節面造成壓力,使肌肉骨骼失衡,長期下來可能導致站立或走路的姿勢異常。這樣的坐姿會讓孩子走路內八甚至發展出X形腿,再者此類的孩子通常都有下肢動作協調的問題,進一步評估孩子的軀幹肌力肌耐力通常也不好,此外,還容易同時合併有足部問題(如扁平足)的產生。家長要時刻提醒孩子減少W型的坐姿及挺肚子的站姿,才不會傷害小朋友脊椎與骨骼發展。

原來坐姿唔好係可以有咁嚴重影響,我就用咗幾個方法令到小周董減少利用呢個W坐姿坐著:

1. 小周董2歲之前身高未算好高,利用小椅子讓小朋友坐上去玩,減少小朋友直接坐在地上玩。

2. 用貼紙鼓勵小朋友,每次坐地上時如果眼睛望見腳仔,即係證明腳仔放咗喺前面,可以獎勵小朋友黐個貼紙在腳腳上面,讚腳腳做得好好。

3. 小朋友過咗2歲體型開始愈來愈大,小椅子未必能夠使用。呢個時間就要買番張小桌子,小朋友就算習慣坐地下,但有一張小桌子,可以將玩具/畫薄放到小桌子上,提醒小朋友雙腳向前放,久而久之亦會減少W座姿出現。

4. 到3歲後就需要準備適合體型的座椅,盡量減少小朋友在地上玩耍,坐椅子可完全避免「W型坐姿」的發生,是一個最好的方法。

5. 最後當然都要靠家長不斷不斷的提醒啦,小周董現在3歲半,雖然己經比起BB時減少咗好多以W坐姿坐著,但一星期入面總會俾我發現一兩次,所以做家長就要多加留意,及要即時提醒小朋友 “坐好”。

我喺網上亦搵到D資料,等小朋友慢慢改善W坐姿的 5種坐法,家長可以鼓勵小朋友以不同坐姿輪流換坐,俾佢哋慢慢逐漸適應,只要俾多D耐性同時間,小朋友一定可以改掉這個壞習慣呢。

1. 半盤腿坐:一條腿伸直,一條腿向內彎曲。

2. 環坐姿:坐在地上,雙腿的腳掌相對貼合,形成環狀。

3. V坐姿:雙腿向前伸,呈現V型的斜狀。

4. 長坐姿:雙腿往前伸直,呈現平行狀。

5. 側坐姿:先採取長坐姿,再將雙腿彎向同一邊。

最後其實家長最好可以陪小朋友做多D戶外活動,增加小朋友跑、跳的時間,係玩樂中小朋友亦可以從中訓練身體不同部分的力量及發展。當然如果小朋友長期堅持用W坐姿,或者對其他坐姿非常抗拒,甚至行路跑步時跌倒情況非常頻繁,就最好向醫生或相關專業人士做評估或治療了。

 

熱門文章

20歲女生經血異常 確診患 子宮頸癌 醫生揭常用某款廁紙所致︱附 子宮頸癌 成因+症狀+4個預防方法
02-27
春困祛濕|15大祛濕食物及茶療推介
03-06
香港癌症頭號殺手!不吸煙者也會患肺癌 勿忽視3大風險+2大家居因素
03-06
中醫食療|轉天氣小朋友早晚易咳嗽不止 中醫推太子參陳皮湯紓緩 氣管敏感 |中醫爸B
03-06
消化不良可能同心臟病有關?7招教你預防心臟病
11-14

懷疑小朋友患扁平足怎麼辦?3個方法紓緩扁平足不適|骨科專科李崇義醫生
2024-03-27
小朋友長高會腳痛?識別成長痛5個症狀+2個紓緩方法|骨科專科李崇義醫生
2024-03-27
新婚2個月丈夫鼻鼾聲高達96分貝 妻子難忍提離婚 求醫揭患 睡眠窒息症 ︱附成因、徵狀、治療方法
2024-03-26
焦慮症|學業壓力大恐引發焦慮 留意8個先兆 及早發現兒童情緒問題 |精神科專科鄧萬豪醫生
2024-03-26
白血病 ︱6歲男童頭痛高燒1星期 醫生診斷患急性淋巴白血病 附血癌15大徵狀+治療方法︱兒童癌症
2024-03-25
自閉症 孩子遇上青春期難題|精神科專科黄穎勤醫生
2024-03-25
查看更多   ▸