日期 | 全年適用 |
當大家期待着元朗新體育館開幕,到全新兒童遊戲室朝拜一下,結果只得一片大空地0設施非常失望。不過2日後竟然又有一個全新開幕的康記(康文署)兒童遊戲室,就係何文田體育館
這個兒童遊戲室並非全新落成,而係重新裝修了,相比元朗新體育館的好玩得多!
碰上哥哥考試旺季,今天星期五只剩下星期一的考試,所以就帶佢哋嚟鬆一鬆吧! 我哋搭港鐵到了何文田站(落成後我都係第一次到這個站)
傳說中的幾百級樓梯今次終於有機會見到,月台扶手電梯一上到嚟有超大個地方
咁大個地方兩個就任跑任跳! 仲有張3D地圖俾人影相(不過除咗我邊有人會影埋呢D嘢)
如果留意周圍會發現好多特色彩繪
行樓梯No way啦,我哋當然選擇搭Lift啦!
在L5上到L2
出站後沿扶手電梯直上,這條梯都頗長,要拖實小朋友上至好,如果有少少畏高都真係驚驚
上到嚟見到有7仔,轉去左手邊跟住A3指示牌繼續行
穿過呢條時光隧道
去到最盡頭會見到3部Lifts﹐請住唔好搭最右手邊嗰部,因為嗰部可以通去天鑄係俾住客搭的
搭Lift上到嚟終於見到陽光啦,再沿這條長長行人走廊直行
就會見到中義街花園入口同埋體育館啦(我冇計過時,不過大約由落車計都要10-15分鐘先行到過嚟)