【仙妮】去海洋公園玩泊車小攻略

帶BB出去玩梗係揸車方便，但同時搵位泊車亦係一大學問！

話說早前在yahoo團購內買咗好抵嘅40週年門票優惠券， 所以一到週末我哋就帶埋丘BB一齊出發去海洋公園睇動物！出發前一晚丘爸爸預先查一查海洋公園嘅停車場，原來係可以預約嘅， 但畢竟係星期六繁忙日子，所以已經全部爆滿，而且星期六竟然要$250一日⋯⋯

第二日出發嘅時候我哋打算碰碰運氣睇下有冇車位可以泊，當然一如所料去到真係要排隊， 就當我哋即刻網上爬文諗住將部車泊去工廠區再坐的士過嚟嘅時候，竟然俾我哋發現原來新開嘅海洋公園港鐵站係有停車場㗎！

海洋公園站停車場

地址: 香港仔黃竹坑道 Hong Kong Ocean Park
電話: +852 5399 8222

http://www.parkhaus.hk/parking/香港/黃竹坑/海洋公園站停車場/

呢個停車場車位非常好泊，又唔使排隊， 泊完只需要過一條天橋就可以去到海洋公園門口（行大概5分鐘），而且佢嘅價錢仲平好多添～假日只需要$14一個鐘！！！不過呢個價錢就需要做地鐵嘅轉乘優惠先會有。

方法好簡單：只需要喺離開嘅時候喺海洋公園港鐵站嘅閘口(會經過)用入停車場嘅八達通入閘後再出閘，出車時都係用同一張八達通拍卡離開，就可以做到呢個價錢啦，如果唔做以上步驟，停車場係會收取正價$28一個鐘㗎！

***重點係呢個停車場入口好難搵！

（可能海洋公園地鐵站係新開嘅關係，喺google地圖搜尋唔到佢嘅入口），我地試咗幾次最終上網搵到停車場嘅電話，原來停車場職員話出香港仔隧道口向壽臣山赤柱方出口出去黃竹坑道，再調頭先可以去到停車場入口， 所以呢一點大家要注意，入口係比較難搵的！

以下我就影咗少少相，希望幫到大家更加容易搵到

我哋泊咗7個鐘，最後$98咋！比起海洋公園停車場$250,足足慳咗$152!!! 希望幫到大家啦～

作者：仙妮