【時間地點由你話事】游泳教練宅急便服務「活力暢游」@GO SPORTS
2017-07-04
想俾晴朗去學游水好耐喇！就今個暑假去學啦！
消暑之餘，又可以強身健體丫嘛！
但睇過啲泳班資料，時間同泳池地點都唔係咁就腳。
為免令晴朗失望，朋友介紹我試下GO SPORTS嘅游泳教練宅急便服務，時間地點可以自己話晒事！
好似好方便咁喎！就等我哋試下好唔好先~
每逢夏天，都會把握屋苑泳池開放嘅日子，盡量安排時間同晴朗落去玩下~
兩個都好鍾意玩水，但唔知道真正上堂嘅時候又驚唔驚水呢？
約好咗3:30~4:30上課，但教練預早20分鐘已經到達，好準時喎！
好彩我哋早咗落去玩住等啫！唔係就要教練等番我哋轉頭喇！^^”’
打過招呼後，教練第一件事係幫晴朗戴泳帽~
原來第一堂有泳帽同浮板送㗎！*o*
我哋未學過游水，咩嘢裝備都冇，只有普通游水用嘅泳衣~ @@”’
泳帽對於晴朗嚟講好新奇，係咁問咩嚟？點解要戴嘅？十足十大鄉里出城咁呀！XD
教練首先向晴朗發問一啲簡單嘅問題，再講解一下游水課嘅事情~
然後示範一下，晴朗似乎都好有興趣咁喎！
到小朋友學習時間喇！學習正確扶池邊嘅手勢~
感受一下垂直浮響水面嘅感覺先啦！但好似有啲緊張，可以試下浸多啲個人落水喎！
在教練協助之下，放鬆晒成個人，好free呀！晴晴話：「我飛喇！」~XD
跟住就學用浮板喇！睇下朗朗學得幾開心？
冇錯喇！姿勢正確！做得好好呀！
教練正在教晴朗點樣「鍊」住個鼻，吸一口氣然後閉氣，咁就唔怕會入水㗎喇！
試下係咪唔入水先？嚟一個互潑環節，好好玩呀！XD
試下「鍊」住個鼻浸落水啦！唔怕㗎！兩個似乎都勇於嘗試喎！
最緊要唔好驚水，驚就咩都做唔到㗎喇！
循序漸進嘅教法就啱晒喇！
又嚟扶住池邊感受全身浮起嘅感覺，今次放鬆咗！做得好過頭先喎！
再練習一下池邊踢水，都做得幾好~
但其實晴朗都幾頑皮㗎！對於唔聽話嘅學生，係需要有特別措施~ .~/.
教練帶咗佢哋出去比較深水嘅地方，咁就冇得曳啦！哈哈！
練習「鍊」鼻落水，好認真做，真係突然乖番晒喎！XD
可以自己運用浮板浮起成個人喇！^^V
再去池邊練習下先~
閉氣落水都做得比之前純熟喇！
睇落好似係晴晴自己游梗，其實係教練用力將佢往池邊推嘅效果~XD
好似好enjoy咁喎！^^
到達池邊嘅時候，就將浮板攞番俾教練啦！一個試完到另一個，輪到朗朗嘗試喇！
1對2呢個比例幾好，可以確保每個小朋友嘅學習進度持續提升，在課堂上亦得到最全面嘅照顧，真係幾滿意！
又有人走佬，唔正經上堂，結果咪又俾教練捉咗去池中間囉！
俾人罰都罰得咁開心呀？~.~
最後，教練問一啲問題考下晴朗，再總結一下今堂學到嘅嘢，就落堂lu~
小朋友嘅興趣班當然要係佢哋有興趣，而且學得開心㗎啦！見到佢哋學得愉快又滿足，雖然在旁陪游都幾攰，但都值得呀！^^
上完第一堂之後，發現晴朗原來都唔係好驚水咋喎！係有時會緊張啲囉！
希望佢哋能夠再大膽啲，繼續勇於接受嚟梗嘅新挑戰啦！
游水唔只係一項運動，仲係一種求生技能。
作為家長，當然希望佢哋能夠學識啦！
在緊急情況都可以救人或自救丫嘛！平時就可作強身健體，對氣管同血液循環都好啲呀！
其實對住晴朗真係少啲耐性都唔得架！
好欣賞教練嘅耐心同對小朋友嗰份愛心，見教練總有辦法handle得到佢哋，果然係有經驗，好專業呀！
呢個教練宅急便服務真係唔錯喎！時間地點由家長決定，既方便又省時！
啲教練亦曾任或現任九龍塘區著名小學泳班教練團主教，仲持有一級游泳教練證書添！
咁就俾小朋友去學都放心啲啦！
唔知下堂又會學啲咩呢？想知，就要繼續留意注我哋喇！
Go Sports Swimming Club
查詢及報名熱線：2690 0445, 6686 6337
Facebook: https://www.facebook.com/Gosportssc
作者：晴朗天
